Kampioni i peshëngritjes u la në harresë, deputeti Vullnet Sinaj: Do bëj përpjekjet e mia që të përfitojë çfarë meriton (VIDEO)

VLORË- Ndonëse se është vetëm 27 vjeç Krenar Shoraj nga fshati Mllkeq i Vlorës ka arritur të fitojë disa medalje dhe të ngre flamurin kuqezi në shumë kampionate botërore dhe evropiane të peshëngritjes. Pasioni i tij për peshëngritjen u pikas që kur ai ishte vetëm 13 vjeç teksa sfidonte të afërmit e tij kush ngrite më shumë pesha si dhe kur u shpall nën-kampion absolut në peshëngritje. Megjithatë, pavarësisht pasionit të tij të madh Krenari pjesën më të madhe të ditës e kalon duke ndihmuar familjen e tij me punët e bujqësisë. Prej vitesh ai garon me ekipin e Teutës ku ndjen se vlerësohet më tepër për aftësitë e tij.

Për të mbështetur vazhdimin e kësaj ëndrre të madhe të Krenarit, deputeti i Vlorës Vullnet Sinaj vizitoi banesën e 27-vjeçarit teksa u shpreh se të tilla vlera duhen ruajtur dhe duhen përkrahur që ai vazhdojë dhe të jetë kampion absolut për të nderuar flamurin kuq e zi dhe vendin ku është rritur.

“U bëra kurioz për të parë se ku Krenari stërvitet dhe çfarë ndihme i ka dhënë bashkia apo qeveria këtij peshëngritësi që kur bën gara në botë, atje ka bërë të ngrihet flamuri kombëtar dhe ashtu siç ka emrin Krenar është një krenari për bashkinë e Selenicën, për bashkinë e Vlorës dhe një krenari kombëtare. Si deputet i zonës ku Krenari jeton do të bëj përpjekjet e mia që të përfitojë të gjitha ato që ligji i ofron një sportisti të tillë dhe njëkohësisht do të flas me kryetarin e bashkisë për të parë mundësinë se si do të nxisim ne si bashki e Selenicës mundësinë që ju të vazhdoni akoma suksesin tua", tha ai.

Në kampionatin botëror në Tailandë, Krenari zuri vendin e 13-të ku arriti të ngrejë 156 kg me shkëputje dhe 198 kg, ndërsa në kampionatin evropian në San Marino zuri vend të dytë, duke u shpallur nën-kampion . Po pavarësisht pasionit të madh për këtë sport Krenari ka një thirrje për Federatën e Peshëngritjes për t'i kushtuar atij dhe çdo sportisti vëmendje e duhur.

Vëmendje unë kam patur vetëm nga klubi ku jam tani i regjistruar sepse jam me klubin e Teutës, ata po kanë dhënë një mbështetje maksimale, kurse nga federate dhe shteti nuk po marrim mundin dhe djersën që na takon. Normalisht neve na takon të marrim trajtimet ushqimore që i kemi të shkruara dhe me ligj, të marrim ato dhe jemi në rregul", tha Krenari.

Kjo nuk është hera e parë që sportistët shqiptarë, të cilët arrijnë rezultate të larta, kërkojnë mbështetje nga Federatat për kushtet në të cilat stërviten.

Peshëngritësi Krenar Shoraj

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niku: 21/10/2019 01:13

    Kerko gjekundi o djalosh se nga keto pseudo deputete mbeturinat merr se parate e mundit tend i kane shpenzuar(vjedhur)rruges duke ti dorezuar ty.

    Përgjigju
  • Kasem dorraci: 20/10/2019 16:55

    Hallall Vullnet.njerez si ty na duhen

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit