Kanada: ‘Nuk kemi kufizime për furnizimin me armë në Kiev’

Foto: Ushtarë ukrainas

Ministrja e Jashtme kanadeze, Melanie Jolie, tha se Otava nuk kishte vendosur asnjë kufizim në përdorimin e armëve të saj në Ukrainë. Lajmin e raporton Rbc Ukraine.

“Rusia nuk ka vija të kuqe, kështu që ne duhet të sigurohemi që kur bëhet fjalë për mbrojtjen e Ukrainës, ne jemi të gatshëm t'i ndihmojmë dhe të tregojmë se, pavarësisht nga ajo që po ndodh, ne jemi në anën e tyre dhe Kanadaja nuk ka kufizime në furnizimin e Ukrainës me armë, dhe për këtë arsye ne do të vazhdojmë të punojmë me Forcat e Armatosura të Ukrainës”, tha ajo.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

Nga ana tjetër edhe Finlanda ka deklaruar se Kievi mund të sulmojë Rusinë me armët e tyre.

"Finlanda nuk ka vendosur ndonjë kufizim të veçantë për ndihmën e saj për Ukrainën, por supozon se armët do të përdoren në përputhje me ligjin ndërkombëtar. Rusia po zhvillon një luftë të paligjshme agresioni në Ukrainë dhe Ukraina ka të drejtën e vetëmbrojtjes sipas nenit 51 të Kartës së OKB-së. Këtu përfshihen edhe sulmet kundër objektivave ushtarake në territorin e sulmuesit që janë të nevojshme për vetëmbrojtje”, tha Ministrja e Jashtme Elina Valtonen.

Lajmi kryesor:

Lufta/ Biden konsideron të heq kufizimet për përdorimin e armëve amerikane nga Kievi! Kanada: ‘Nuk kemi kufizime për furnizimin me armë në Kiev’

Xh.K/Shqiptarja.com

TAG:
• lufta ne ukraine
• Rusi