Kancelarja Merkel për pandeminë: Na presin muaj të vështirë

“Gjermania do të përballet me disa muaj të vështirë për shkak të koronavirusit” – Kështu u shpreh sot kancelarja gjermane, Angela Merkel.

Reuters citon kancelaren të ketë thënë se "Gjermania deri më tani e ka kaluar pandeminë relativisht mirë falë sjelljes jashtëzakonisht të përgjegjshme të qytetarëve në muajt e fundit, por me vjeshtën do kemi një fazë të vështirë përpara”

Gjermania raportoi sot 1.798 raste të reja Covid.

Sipas të dhënave të Institutit për sëmundjet infektive Robert Koch, numri i përgjithshëm i të infektuarve në Gjermani ka arritur në mbi 280 mijë ndërsa mbi 9 mijë persona kanë vdekur.

Dje Merkel diskutoi me liderët e 16 landeve për të fuqizuar masat kundër pandemisë. Kufizimet synojnë të shmangin “me çdo kusht” një izolim mbarëkombëtar, tha Merkel, duke shtuar se mbajtja në funksion e ekonomisë është përparësi për qeverinë.

Ndër masat që parashohin autoritetet gjermane është kufizimi i numrit të personave në tubimet private dhe publike.

  • Sondazhi i ditës:

    A mendoni se Rama e Basha do të bëjnë kompromis për të ardhmen e Shqipërisë?

Komento


×

Lajmi i fundit

John

Korçë/ Zjarr në fshatin Vithkuq, rrezikohet Manastiri i Shën Pjetrit, Monument Kulture