TIRANE - Numri i femrave të prekura nga kanceri i gjirit në Shqipëri vazhdon të rritet me shifra alarmante. Specialistët konstatojnë se janë mbi 400 raste të reja në vit dhe në 75% të tyre këto femra paraqiten tek mjeku në një fazë të përparuar të sëmundjes çka e bën të vështirë shpëtimin e jetës.

Mesditën e së dielës u zhvillua në kryeqytet një aktivitet në kuadër të fushatës së sensibilizimit dhe ndërgjegjësimit të grave për parandalimin e sëmundjes që në fazat e para.

Gjiri i femrës është i ndërtuar prej miliona qelizash. Kur një prej tyre fillon të shumohet tej mase krijohet një tumor ose kancer. Ndodh që disa qeliza zhvendosen edhe në pjesë të tjera të trupit duke formuar kështu tumore të reja.

(gh/Shqiptarja.com)