Kandidatët për anëtarë të KLD, detaje
për Albana Shtyllën e Vangjel Kostën

Albana Shtylla aktualisht mban postin e sekretares së Përgjithshme të Kuvendit të Shqipërisë. Ajo do të jetë e vetmja grua anëtare e Këshillit të Lartë të Drejtësisë. Shtylla ka punuar përreth 20 vjet në Shërbimin Civil nga të cilat 8 vjet në kohën e Partisë Demokratike.

Gjithashtu Shtylla ka qenë Drejtore juridike e Ministrisë së Punës e Çështjeve Sociale dhe është promovuar në këtë periudhë si Drejtore në Kodifikim të Ministrisë së Drejtësisë , në kohën kur ministër ishte Eduard Halimi. Albana Shtylla ka diplomë në Harvard, ILO, Këshilli i Europës, është lektore në disa universitete në drejtësi si dhe negociatore në disa marrëveshje ndërkombëtare.

Kandidatja e Paertisë Socialiste për postin e nënkryetarit të KLD-së më herët ka qenë edhe anëtare e Komisionit Qëndror të zgjedhjeve e propozuar nga Partia Socialiste, por dha dorëheqjen nga ky post.

Vangjel Kosta, emri i dytë i propozuar nga PS për anëtar të Këshillit të Lartë të Drejtësisë, ka qenë anëtar i Gjykatës së Lartë në vitet 1993 - 2000 (emëruar kur Sali Berisha ishte president). Ai është propozuar nga Bamir Topi për në Gjykatën Kushtetuese, por dekreti i presidenti është rrëzuar dekreti nga Partia Demokratike, e cila ishte në qeverisje.

Kosta punon prej 14 vjetësh në Zyrën e Shërbimit Ligjor FALAS. Ai është bashkëpunëtor me disa projekte të USAID, BE e Osbe etj. Vangjel Kosta është me origjinë nga Durrësit, dhe ka dy fëmijë nga martesa e tij.
 
Të dy kandidatët për anëtar të KLD-së nuk kanë qenë asnjëherë anëtarë partie të ndonjë force politike. Si Shtylla dhe Kosta janë juristë shumë të njohur me tituj shkencorë e kualifikime të shumta, kontribues si lektorë në Fakultetet e Drejtësisë dhe Shkollën e Magjistraturës si dhe bashkëautorë në hartimin e ligjeve të ndryshme dhe leksioneve e teksteve juridike.

Redaksia Online
(Shqiptarja.com)
 

TAG:
• OSBE