Kryebashkiaku i Berishës dhe Metës që fitoi Mirditën e ftoi për kafe, Rama: Kam shumë takime për të bërë, na pret transformimi në Shkodër

Kryeministri Edi Rama i pyetur nga gazetari i Report Tv, Ermal Qori nëse do të pranojë ftesën për kafe që i bëri Albert Mëlyshi nga BF pasi fitoi Mirditën tha se ka shumë takime për të bërë. Rama tha se nesër do të niset në Islandë dhe më pas do të nisë turin në të gjithë Shqipërinë, duke nisur nga Shkodra.

Para se të vij te kafja me të kam shumë takime për të bërë, duke filluar nga Shkodra. Nëse nisem në Islandë, sapo të kthehem do të nis me turin e falënderimeve nga Shkodra. Jam i vendosur të bëjmë një histori të re në Shkodër me shumë dimensione. Shkodra e kam thënë prej kohësh e përsëris tani që ne kemi marrë një fitore që është barrë e madhe për mua dhe për ne, është qyteti dhe zona më e bekuar e Shqipërisë, nuk ka asnjë të dytë. Mbase edhe në Europë nuk ka edhe asnjë qytet tjetër që ka atë bekim me lumin, detin, malin alpet. Është bashkia më e prapambetur dhe më problematike e Shqipërisë, ne tani duhet të bëjmë jo atë që kemi thënë, por do bëjmë edhe më shumë se ç’kemi thënë, se Shkodra na dha jo një shans, por një besim shumë të fortë. Shkodra do jetë kryefjala e mandatit që do nisë pas disa muajsh. Durrësi është një premisë strategjik për Shqipërinë e 2030. Në Durrës do të ndërtojmë disa vepra që s’janë vetëm të Durrësit, janë vepra që i përkasin ekonomisë, tregtisë, truizmit, rajonit dhe më gjerë.

Lajmi kryesor:

Rama: Shkodra kryefjala jonë, nis një histori të re! Akuzat e Greqisë për arrestimin e Belerit? Iu përgjigjem pas zgjedhjeve, s‘kontestojnë dot institucionet tona

SI.E./Shqiptarja.com

TAG:
• arrestohet Fredi Beleri
• edi rama
• zgjedhjet vendore 2023