POP 5

Lajmet më të lexuara të 5 minutave të fundit

Politikë

Kandidatja e PS-së për Durrësin, takime ne zonën e Sukthit! Sako: Investime në infrastrukturë, siç kanë kërkuar banorët

Në zonën e Sukthit përpos investimeve të shumta që janë kryer gjatë këtyre 3 viteve, po vijon përmirësimi i infrastrukturës sipas kërkesave që kanë bërë vet banorët. Kandidatja e PS për Bashkinë Durrës, Emiriona Sako u takua me banorët e fshatit Vadardhë, ku theksoi se së shpejti do nisë rikonstruksioni I dy rrugëve.  

Kandidatja e PS për bashkinë Durrës Emiriona Sako vijon fushatën elektorale ku gjatë një takimi me banorë të fshatit Vadardhë në zonën e Sukthit tha se së shpejti do të fillojë rikonstruksioni i dy rrugëve në këtë zone, proces që do përmbyllet brenda muajit që vjen.

Kryebashkiakja aktuale e Durrësit tha se kemi dëshirën dhe vullnetin që të realizojmë çdo kërkesë të banorëve dhe gjithë komunitetit.

‘Takim me banorët e Vadardhës në njësinë administrative Sukth. Gjatë bashkëbisedimit me banorët e fshatit Vadardhë të njësisë administrative Sukth. Iu bëra të ditur banorëve se së shpejti nis rikonstruksioni i rrugëve “Zef Ndreka” dhe “Bosko” me gjatësi 1.2 km. Asfaltimi i këtyre rrugëve ka qenë kërkesë kryesore e banorëve të kësaj zone të cilën ne po e bëjmë realitet. Të tjera projekte na presin për transformimin e të gjithë kësaj njësie administrative.’- shkruan Sako.

Në njësinë administrative Sukth përgjatë 3-viteve janë kryer investime të ndryshme në infrastrukturë; janë ndërtuar 5 objekte arsimore, është rehabilituar argjinatura e lumit Erzen në një gjatësi 1 km, janë pastruar rreth 4 km kanale vaditëse e kulluese duke i ardhur në ndihmë fermerëve si dhe janë rikonstruktuar disa rrugë.

 

 


Lajmi kryesor:

Zgjedhjet vendore, kandidatët për kryebashkiakë kërkojnë votën dhe bëjnë premtime! Sako me banorët e Sukthit: Vijojmë investimet në infrastrukturë
M.Q./r.k./Shqiptarja.com
  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Iu bë atentat në Bruksel më 28 prill, ndërron jetë Agustin Kaza! Dyshohet se u vra për gjakmarrje

Iu bë atentat në Bruksel më 28 prill, ndërron jetë Agustin Kaza! Dyshohet se u vra për gjakmarrje

6 Maj, 20:32