'Kanë krijuar harta të posaçme para se të merrnin pushtetin', dokumenti konfidencial i OKB: Talebanët po intensifikojnë 'gjuetinë' për të kapur bashkëpunëtorët e SHBA-NATO

Largimi i afganëve, bashkëpunëtorë të SHBA-NATO, sa vjen dhe po bëhet edhe më emergjent. Përtej retorikës së tyre të butë se "kanë ardhur në paqe", një dokument i OKB-së thotë se talebanët kanë intesifikuar "gjuetinë" e tyre për të kapur të gjithë njerëzit që kanë punuar për perëndimin. Dokumenti konfidencial, u prodhua nga Qendra Norvegjeze për Analizat Globale, e cila i siguron OKB -së informacione të inteligjencës, shkruan BBC-ja.

"Talebanët po arrestojnë ose kërcënojnë se do i vrasin ata dhe familjarët e tyre nëse nuk dorëzohen", shkruhet në dokumentin e parë nga BBC-ja.

LEXO EDHE:
Shtatë të vrarë nga sulmi në një xhami në Afganistan

Dokumenti vijon duke thënë se më të rrezikuarit janë ato që kanë punuar në ushtri, polici dhe njësi hetimore.

"Talibanët kanë kryer harta paraprake të individëve para se të merrnin nën kontroll të gjitha qytetet e mëdha," njofton BBC.

Sipas raportit, talebanët po rekrutojnë rrjete të reja informimi për të bashkëpunuar me regjimin e ri.

Lajmi kryesor:

Afganistan/ Talebanët vrasin familjarin e gazetarit të DW! Bllokojnë aeroportin e Kabulit, s'lejojnë bashkëpunëtorët e SHBA-NATO të largohen, i kërcënojnë me vdekje

B.K./Shqiptarja.com

TAG:
• Afganistan
• Joe Biden
• lufta ne afganistan
• strehimi i afganeve ne shqiperi