Një pasagjer ka shkaktuar panik gjatë fluturimit për në Korenë e Jugut, pasi ka hapur derën e avionit që ishte ende në ajër.

Një pasagjer i linjës së fluturimit Asian Airlines është arrestuar pasi hapi derën e emergjencës teksa avioni po ulej në Korenë e Jugut dhe ishte ende 250 metra nga toka.

Policia tha se burri pohoi gjatë marrjes në pyetje se ishte i stresuar pasi kishte humbur punën, ndaj kishte ndërmarrë veprimin.Policia tha gjithashtu se pasagjeri ishte në gjendje të rënduar psikologjike dhe kishte tentuar të hidhej nga avioni.

Të gjithë 194 pasagjerët i mbijetuan fluturimit, i cili përfundoi në mënyrë të suksesshme, por me derën e tij ende të hapur në Aeroportin Ndërkombëtar Daegu, të Koresë së Jugut.

Disa pasagjerëve u ranë të fikët, ndërsa të tjerë kishin probleme me frymëmarrjen dhe u dërguan në spital, raportojnë mediat lokale. Personi përgjegjës për këtë, rreth të 30-ave, u arrestua pas uljes së avionit.

Videoja e një pasagjeri të shpërndarë në mediat sociale tregon boshllëkun në anën e majtë të avionit dhe erërat që godasin rreshtat e pasagjerëve të ulur.

Stjuardesat nuk kishin mundur ta ndalonin sepse avioni ishte gati të ulej, treguan dëshmitarët për mediat lokale.
M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Maj, 08:08

    1 maji, sa respektohen të drejtat e punëtorëve në Shqipëri?

Lajme të tjera