POP 5

Lajmet më të lexuara të 5 minutave të fundit

Kronikë

Kaos në Rrugën e Arbrit, 200 makina disa orë të bllokuara! Kompania nuk lejoi lëvizjen e mjeteve: Hapet zyrtarisht më 29 nëntor

Qindra makina qëndruan të bllokuara të shtunën në Rrugë e Arbrit pasi aksi ishte i bllokuar nga kompania me pretendimin se do të hapej zyrtarisht më 29 nëntor. Zhbllokimi u arrit pesë orë më vonë pasi qytetarët kishin pritur në kushte të vështira të motit 

Janë pamjet e më shumë se 200 makinave që u bllokuan një ditë më parë në Qafë Murrizë, në by-passin e Rrugës së Arbrit, aks që lidh lidh Zall-Bastarin në Tiranë me Xibrin në Klos.

Pavarësisht se nga rrjetet sociale kompania që ndërtoi rrugën njoftoi se ajo do të ishte e paaksesueshme deri në datën 29 nëntor, shumë qytetarë nuk kanë qenë në dijeni.  Në datën 23 nëntor kompania “Gjoka Konstruksion” njoftoi në Facebook se nuk do të lejohej lëvizja deri në hapjen zyrtare.

Për disa orë me radhë mjetet qëndruan të bllokuara, ndërsa mbizotëroi kaosi. Mes pasagjerëve ka pasur edhe shumë të mitur. Koha e keqe dhe me reshje të dendura shiu vuri me tej në vështirësi udhëtarët. Në vendngjarje shkoi  edhe policia për të qetësuar situatën. Qarkullimi i mjeteve u rihap vetëm për të shpërndarë radhët e gjata që ishin krijuar për disa orë.

Qarkullimi në Rruga e Arbrit do të nis zyrtarisht ditën e hënë, në datën 29 nëntor dhe do të shkurtojë rrugën për në Klos me 70 km. Nga km 0 në dalje të Tiranës deri te ura në Klos, distanca tashmë është vetëm 35 km. Punimet për Rrugën e Arbrit nisën në verën e 2009-ës dhe brenda mandatit të demokratëve përfundoi njëri lot. Pjesa më e vështirë dhe më e kushtueshëm ishte segmenti Ura e Brarit – Tunelit Qafë Murriz, me gjatësi 34 kilometra. Vetëm në Qershor të 2018 nisën zyrtarisht punimet për këtë segment. Afati zyrtar për përfundimin e punimeve, sipas kontratës, është pranvera e 2022, por hapja e rrugës në fund të nëntorit bëhet për të lehtësuar qarkullimin e qytetarëve të këtyre zonave.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46