Kaosi në Afganistan pas 'pushtimit' nga talebanët, mblidhet sot Këshilli i Sigurimit të OKB-së

Ndërsa Afganistani është në kaos pasi i gjithë vendi është “mbërthyer” nga talebanët dhe qindra qytetarë po lënë kryeqytetin, sot do të mblidhet Këshilli i Sigurimit i Kombeve të Bashkuara për të diskutuar në lidhje me situatën e krijuar.

Lajmin e bëri të ditur një burim diplomatik për CNN. Sekretari i Përgjithshëm i OKB-së, António Guterres pritet të informojë Këshillin, me konsultimet private që do të pasojnë. Më herët Guterres u bëri thirrje talebanëve të ndalojnë ofensivën e tyre në Afganistan.

Ka qenë kryetari i Këshillit të Lartë të Afganistanit për Pajtimin Kombëtar, Abdullah Abdullah, i cili ka kërkuar nga Kombet e Bashkuara që të thërrasin një seancë urgjente të Këshillit të Sigurimit për të diskutuar situatën në vend. Abdullah tha se ishte vendimtare "që urgjentisht të mbahet një takim special i Këshillit të Sigurimit të OKB -së për të diskutuar ngjarjet aktuale në Afganistan".

Dje Pentagoni autorizoi 1000 trupa shtesë për të ndihmuar në evakuimin nga Kabuli, tha një zyrtar amerikan, duke e çuar numrin e përgjithshëm të trupave të pritura në Afganistan përkohësisht në 6,000.

Lajmi kryesor:

Talebanët 'pushtojnë' Afganistanin, Biden: Nuk kanë pse të vdesin amerikanët, kur vetë afganët nuk luftuan për shtetin e tyre! Ne shkuam atje të luftonim terrorizmin

TAG:
• Afganistan
• talebanët
• strehimi i afganeve ne shqiperi