POP 5

Lajmet më të lexuara të 5 minutave të fundit

Kaosi në finalen e Champions League! Qeveria angleze, policia e Liverpool dhe Real Madrid drejtojnë gishtin nga UEFA

UEFA ka përfunduar nën kritika të shtumta për finalen e Champions League ku pati 238 të plagosur. Qeveria angleze, policia e Liverpoolit dhe klubi i Realit kanë kërkuar hetim për ngjarjet, ndërsa vetë UEFA bën fajtore tifozët e Liverpool, të cilët sipas saj ishin pa bileta dhe erdhën me vonesë në stadium.

Finalja e Champions League në Paris përveç fitores së Realit kundër Liverpool do të mbahet mend për incidentet e shumta jashtë stadiumit ‘Stade de France’, që detyruan sfidën të niste 36 minuta me vonesë.

Të gjithë kanë drejtuar gishtin nga UEFA, që nga ana tjetër bën fajtor tifozët e Liverpool. Sipas UEFA-s anglezët tentuan të futeshin në stadium pa biletë dhe shumë prej tyre i kishin falso, ndërsa u tha edhe se erdhën me vonesë. Mirëpo mediat ndërkombëtare shkruajnë se si UEFA ashtu edhe policia franceze çedoi shumë në organizimin.

Që në momentin kur tifozët u afruan pranë stadiumit u pa një raport i frikshëm me policinë, e cila ishte paktë në numër. Duke qenë se ora e ndeshjes po afronte, shumë prej tifozëve kapërcyen hekurat, duke sjellë më pas edhe kaosin. Sprajti djegës dhe gazi lotsjellës u përdorën për të shpërndarë turmat, ndërsa e pësuan fëmijë dhe gra shtatzëna. Një situatë që më pas u cilësua si mizori, ndërsa për rrjedhojë u shënuan 238 të plagosur dhe 105 arrestime.

Më vonë policia e Liverpool-it që ishte në Paris mbrojti tifozët duke thënë  se erdhën në momentin e duhur, ndërsa përmes një zëdhënëse qeveria angleze ka kërkuar hetim për situatën nga UEFA, duke e cilësuar të papranueshme dhunën. Sakaq ministria e sporteve në Francë ka kërkuar mbledhje urgjente me UEFA-n për të diskutuar se çfarë nuk shkoi dhe masat e menjëhershme që do merren.

Probleme pati edhe me tifozët e Realit, me klubin që i kërkoi UEFA-s shpjegime mbi sjelljen e forcave të sigurisë. Si të mos mjaftonte kjo edhe pas ndeshjes në rrugët e Parisit tifozët e irrituar sulmuan lagjet pranë stadiumit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51