Mazhoranca e konsideron të rëndë e të pa ndodhur ndonjëherë situatën që u krijua në seancën parlamentare të së hënës, ku mes tymëseve, flakadanëve e përplasjeve fizike, Arta Marku u zgjodh kryeprokurore për një afat të pa caktuar.

Jurgis Çyrbja, deputet i PS-së në Durrës, e quan maskaradë e të pa justifikueshme këtë situatë.

Reagimi i plotë i Çyrbjas:
Shqiptarët nuk e meritojnë të përfaqësohen në këtë mënyrë! Opozita e cila për asnjë ditë nuk e dërgoi çështjen në Gjykatën Kushtetuese për një interpretim shterues, krijoi sot në parlament këtë shfaqje të turpshme!

E pas këtyre zhvillimeve të pa ndodhura ndonjëherë në historinë parlamentare shqiptare, thonë se do të shkojnë në Kushtetuese. Mund ta kishin bërë që ditën e parë e të na e kishin kursyer këtë maskaradë, e cila në fakt bën diferencën e saktë se pse ne jemi mandatuar për të qeverisur, dhe ata për të kakarisur.

d.c./shqiptarja.com