POP 5

Lajmet më të lexuara të 5 minutave të fundit

Kronikë

Kapen duke luajtur lojëra fati në Vlorë, një në pranga dhe dy nën hetim! Pronari i lokalit shpallet në kërkim nga policia (EMRAT)

Policia e Vlorës ka arrestuar mesditën e sotme një person, dy janë proceduar penalisht ndërsa një tjetër është shpallur në kërkim.

Kapen duke luajtur lojëra fati në Vlorë, një në pranga dhe dy nën hetim! Pronari i lokalit shpallet në kërkim nga policia (EMRAT)

Kompjuterat e lojërave të fatit në Vlorë

Policia e Vlorës ka arrestuar mesditën e sotme një person, dy janë proceduar penalisht ndërsa një tjetër është shpallur në kërkim. I arrestuari është Olsi Haxhiraj, 30 vjeç ndërsa pronari i lokalit Xhimi Llanaj, ku u gjetën 7 njësi kompjuterike, 2 USB, 1 printer dhe 1 aparat celular, të cilat shërbenin për ushtrimin e lojërave të fatit, është në kërkim.

Ndërsa Jemin Dano, 55 vjeç u procedua penalisht pasi u kap duke luajtur në ambientet e këtij lokali. Gjithashtu nën hetim është edhe Gerti Çelaj, 32 vjeç të cilit gjatë kontrollit fizik, iu gjet një aparat celular që e përdorte për të vendosur baste sportive.

Njoftimi i Policisë
Vijon operacioni policor "Fati i lojërave”. Goditen 2 raste të tjera të zhvillimit të aktivitetit të paligjshëm të lojërave të fatit. Vihet në pranga 1 shtetas, procedohen penalisht  2 shtetas dhe shpallet në kërkim 1 tjetër. Sekuestrohen 7 njësi kompjuterike,  2 USB, një printer dhe 2 celular.

Në zbatim të planit të masave të hartuar nga Drejtoria Vendore e Policisë Vlorë, si dhe bazuar dhe në informacionet e marra në rrugë operative për ushtrimin dhe organizmin e lotarive dhe basteve sportive pa leje, vënien në dispozicion të lokaleve për lojëra fati dhe fshehjen e të ardhurave, Strukturat e Hetimit të Krimeve në Komisariatin e Policisë Vlorë, në bashkëpunim me strukturat  Hetimore  të DVP Vlorë, kanë vijuar kontrollet e vazhdueshme në lokale dhe ambiente të ndryshme.

Si rezultat i kontrolleve të ushtruara, nga specialistët e Seksionit për Hetimin e Krimeve në Komisariatin e Policisë Vlorë u bë arrestimi në flagrancë i shtetasit O. H.,  30 vjeç dhe u shpall në kërkim shtetasi Xh. Ll., 38 vjeç, (pronar i lokalit).

Në ambjentet e  lokalit të shtetasit Xh. Ll,  u gjetën e sekuestruan 7 njësi kompjuterike, 2 USB, 1 printer dhe 1 aparat celular,  të cilat shërbenin për ushtrimin e lojërave të fatit. 

Si dhe u  procedua penalisht shtetasi J. D.,55 vjeç, pasi u konstatua duke luajtur lojra fati, në një nga kompjuterat.

Gjithashtu në vijim të kontrolleve u procedua penalisht  shtetasit G. Ç., 32 vjeç, banues në lagjen “Hajro Çakërri” Vlorë, pasi gjatë kontrollit të ushtruar në ambientet e një lokali, në lagjen “Partizani” Vlorë, i është gjetur dhe sekuestruar një aparat telefoni celular, që e përdorte  për lojra fati të paligjshme (baste sportive). Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • OMONIA: 12/02/2022 22:45

    Kapin keta te lodhurit.Keni kete lokalin ne rrugen Fiqirete Musta qe kercet llotua si ne Bagdad.E kemi rregulluar thone keta me te Policis mer rroge mujore nje i policis me kete pune thote ky i lokalit.Pse si bini ketija

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

18 Nëntor, 08:18