POP 5

Lajmet më të lexuara të 5 minutave të fundit

Kronikë

Kapen me kokainë, kanabis, të dehur në timon dhe pa patentë, 14 të arrestuar në Tiranë

Policia e Tiranës ka arrestuar 14 persona të cilët akuzohen për vepra të ndryshme penale. 4 prej të arrestuarve janë kapur me drogë, 2 janë arrestuar për dhunë në familje dhe ndërtim pa leje ndërsa 7 të tjerë pasi u kapën pa patentë dhe të dehur në timon.
 

Kapen me kokainë, kanabis, të dehur në timon dhe pa patentë, 14 të arrestuar në Tiranë

Foto ilustruese

Policia e Tiranës ka arrestuar 14 persona të cilët akuzohen për vepra të ndryshme penale. Pesë prej të arrestuarve janë kapur me drogë. Më konkretisht bëhet fjalë për një 46-vjeçar dhe një 23-vjeçar, përkatësisht me inicialet F.B., dhe A.L., gjatë kontrollit fizik iu gjet kokainë.

L.M., 28 vjeç dhe O.V., 31 vjeç gjatë kontrollit fizik nga policia u kapën me kanabis sativa, ndërsa 34-vjeçari H.R., gjatë kontrollit fizik dhe në automjet iu gjet kokainë, kanabis dhe një armë e ftohtë.

Ndërtim pa leje dhe dhunë në familje, dy të arrestuar
A.M., 34 vjeç u konstatua duke ndërtuar një objekt pa leje ndërsa M.N., 34 vjeç u arrestua pasi ka ushtruar dhunë fizike dhe psikologjike ndaj bashkëjetueses së tij.

Shtatë të arrestuar nga ‘Rrugorja’
D.M., 31 vjeç, u arrestua pasi Gjykata e Shkallës së Parë Tiranë i ka caktuar masën e sigurisë "Arrest në burg" për veprën penale “Drejtimi i automjeteve në mënyrë të parregullt”.

E. B., 30 vjeç dhe A. Ç., 22 vjeç, u arrestuan pasi po drejtonin makinën pa patentë. F.D., 42 vjeç dhe A. K., 49 vjeç u vunë në pranga pasi drejtonin makinën në gjendje të dehur.

Një 42-vjeçar me inicialet H.H., po drejtonte mjetin në gjendje të dehur dhe për pasojë ka dalë nga rruga duke u aksidentuar. Ndër të tjera edhe një 21-vjeçar është arrestuar pasi po drejtonte një makinë pa patentë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Skënder Minxhozi: 'Presidenti i paqes' që kërcënon aleatët e vet të NATO-s

Skënder Minxhozi: 'Presidenti i paqes' që kërcënon aleatët e vet të NATO-s

11 Janar, 17:39 nga Skënder Minxhozi