Kapet banda e hajdutëve në kryeqytet, vodhën ‘BMW’-në dhe tentuan ta shisnin, por u kapën mat

Katër të rinj kanë rënë në prangat e policisë së Tiranës pasi akuzohen si autor të disa vjedhjeve në Tiranë.

Ndërkohë një tjetër bashkëpunëtor i tyre është shpallur në kërkim si dhe një 17 vjeçar do të hetohet në gjendje të lirë.

-L.Z., 23 vjeç, M.M., 21 vjeç, E.M., 22 vjeç dhe I.Xh., 21 vjeç, u arrestuan nga blutë e kryeqytetit ndërsa K. V., 17 vjeç, banues në Tiranë do të hetohet në gjendje të lirë si dhe u shpall në kërkim J. K., 31 vjeç, banues në Kavajë.

Të rinjtë kanë kryer disa vjedhje në zona të ndryshme të Tiranës.

E fundit që u solli dhe arrestimin ishte hyrja në banesën e një qytetari me inicialet J.K ku përveç vjedhjes së disa sendeve personale vodhën dhe makinën tip ‘BMW’ të cilën i ka ndihmuar 31 vjeçari i shpallur në kërkim për ta shitur.

Ndërkohë që të rinjtë dyshohet se kanë kryer edhe vjedhje të tjera në zona të ndryshme në kryeqytet.

Materialet i kaluan Prokurorisë, për veprime të mëtejshme procedurale.

E.K/Shqiptarja.com

TAG:
• policia e tiranes
• Tirane