Policia e Durrësit ka finalizuar sot operacionin e koduar ‘Egnantia’ përmes të cilit ka prangosur dy persona të cilët ishin kthyer në makthin e pronarëve të automjeteve, ku vetëm në 3 muaj kishin vjedhur 10 të tilla.

Sipas të dhënave të policisë, bëhet e ditur se në pranga kanë rënë Artan Tabaku 22 vjeç, banues në Shijak dhe G.H. 17 vjeç, banues në Shijak, pasi sipas hetimeve ata janë autorët e vjedhjeve të 10 automjeteve.

Policia bën të ditur se atyre iu janë sekuestruar pjesë të ndryshme të vjedhura në automjete dhe mjete e kryerjes së veprës penale.


Ja vjedhjet e realizuara nga dy personat e prangosur

1.Më datë 16.04.2016, në lagjen Nr.13, Durrës kanë vjedhur pasqyrat anësore të mjetit tip Benz, në pronësi të shtetasit  A.I. 39 vjeç, banues në Prizren. 

2.Më datë 20.04.2016, në lagjen Nr.3, Durrës kanë thyer xhamin e trekëndëshit të derës së pasme dhe kanë vjedhur dy pasqyra të mjetit tip Benz, në pronësi të shtetasit I.B. 27 vjeç, banues në Durrës.

3. Më datë 30.04.2016, në lagjen Nr.13, Durrës kanë thyer xhamin dhe i kanë marrë kasetofonin mjetit tip Benz, në pronësi të shtetasit B.B. 22 vjeç, banues në Durrës.

4. Më datë 06.05.2016, në lagjen Nr.9, Durrës kanë tentuar të vjedhin kasetofonin në mjetin tip Opel Astra, në pronësi të shtetasit B.A 32 vjeç, banues në Durrës.

5.Më datë 19.05.2016, në lagjen Nr.4 kanë vjedhur sensorët e mjetit tip Benz, në pronësi të A.L. 30 vjeç, banues në Durrës.

6. Më datë 20.05.2016, në lagjen Nr.13 kanë vjedhur shiritin e sensorëve të mjetit tip Benz, në pronësi të shtetasit E.I. 29 vjeç, banues në Durrës.

7.Më datë 22.05.2016, në lagjen Nr.2, Durrës  kanë  thyer xhamin dhe i kanë vjedhur kasetofonin mjetit tip Renault, në pronësi të shtetasit A.Q. 28 vjeç, banues në Durrës.

8. Më datë 24.05.2016, në lagjen Nr.3, Durrës kanë vjedhur dy sensorë të mjetit tip Benz,  në pronësi të shtetasit F.V. 23 vjeç, banues në Durrës.

9. Më datë 30.05.2016, nëlagjen Nr.3, Durrës kanë vjedhur kasetofonin dhe navigatorin në mjetin tip Benz, në pronësi të shtetasit  G.B. 46 vjeç,  banues në Tiranë.

10. Më datë 14.06.2016, në lagjen Nr.6, Durrës kanë vjedhur dy pasqyrat e mjetit tip Benz, në pronësi të shtetasit D.Sh. 38 vjeç, banues në Durrës.

Redaksia Online
(F.T/shqiptarja.com)