Vala e dorëheqjeve ka përfshirë dhe Drejtorin e Shërbimit të Kontrollit të Brendshëm të Burgjeve Valmir Hoxha. Vendimi i Valmir Hoxhës është marrë me konsensues të plotë me ministrin e Drejtësisë Ylli Manjani i cili ka pranuar kërkesën e dorëheqjes.

Drejtori i policisë së burgjeve, siç duket e ka ndjerë vetën në seklet, për shkak se nuk kishte arritur të identifikonte veprimtarinë e efektivit të tij Elton Lala, i cili kku arrestua nga policia e Tiranës me 8.6 kg drogë.

Lala së bashku me Shkëlzen Duçkën ka rënë në prangat e policisë, pasi kishin rënë në kontakt me një blerës droge, dhe se lënda narkotike dhe paratë do shkëmbeheshin në zonën e Farkës.

Mirëpo në fakt blerësi nuk ka qënë një i zakonshmëm por një agjent i antidrogës së policisë së Tiranës, që kishte porositur mallin pranë efektivit të policisë së Burgjeve.

Redaksia Online
(F.T/shqiptarja.com)