Kapet në Kamëz, aksidentoi
me vdekje tri vajza në Itali

Forcat e policisë arrestuan sot Ardian Nurcellarin, i cili kërkohej për aksidentin me pasojë vdekje të tre qytetareve italiane. Në dokumentat italiane mbante mbiemrin Ostrovica. Ai akuzohet për vrasjen me dashje të Sonia Cei 39 vjece, Sabrina Franchi 31 vjec dhe infermieres Susy Betti37 vjece në një aksident rrugor të ndodhur në vitin 11 vite më parë në Viareggio, veri të Italisë.

Nurcellari, Ostrovica kërkonte të përplaste me xhipin e tij Pajero, një Peugeot 205 ku udhëtonte një tjetër shqiptar, por gjatë ndjekjes makina është përplasur me Citroenin e tre vajzave, duke shkaktuar vdekjen e tyre.

Ditën e sotme nga Strukturat e Hetimit të Policisë së Kryeqytetit, bënë të mundur kapjen e shumë të kërkuarit për vrasje me dashje, të shtetasit Ardian Nurcellari (Ostrovica), 45 vjec, lindur në Mamurras dhe banues në Tiranë.

Kapja e tij u realizua mesditën e sotme në afërsi të Mbikalimit të Kamzës, në ambjentet e një lokali në Tiranë.
45 Vjeçari, dyshohet se në vitin 2000 ka kryer një vrasje të trefishtë në qytetin Luccas të Italisë.
Ndërkohë në ngarkim të tij, Gjykata e Luccas Itali me vendim të datës 18 Janar 2011, e ka dënuar në mungesë me 20 vjet burgim për konsumim të veprave penale të Vrasjes me dashje dhe Largim nga vendi i aksidentit.