POP 5

Lajmet më të lexuara të 5 minutave të fundit

Kronikë

Kapen mbi 1 ton kanabis në Kapshticë, droga e ngarkuar në dy kamionë, arrestohen shoferët (EMRAT+VIDEO)

Lënda narkotike e ndarë në 103 thasë është gjetur e fshehur brenda dy kamionëve të ngarkuar me krunde. Droga po tentohej të trafikohej drejt Greqisë. Në pranga kanë rënë dy shoferët e kamionëve, ndërkohë që Report Tv mëson se gjatë orëve të vijim priten të tjera arrestime. 

KORÇË - Sekuestrohet një sasi e madhe droge e llojit kanabis në pikën e kalimit kufitar të Kapshticës, e ngarkuar në dy kamionë që kishin për destinacion Greqinë. Lënda narkotike e ndarë në 103 thasë, është gjetur mbrëmjen e sotme gjatë kontrolleve të imtësishme në doganë. Në dy kamionët ndodhej një ngarkesë me krunde dhe mes tyre ishin fshehur thasët me kanabis. Report Tv mëson se bëhet fjalë për një ngarkesë prej më shumë se 1 ton marijuanë. Policia ka arrestuar dy drejtuesit e kamionëve të cilët janë Zija Hidri dhe Ardian Sako. 

Report Tv mëson se policia kishte informacion më herët për një ngarkesë të konsiderueshme që po planifikohej të trafikohej nga Shqipëria drejt Greqisë. Kamionët janë mbajtur në vëzhgim prej disa ditësh nga njësia antidrogë e Policisë së Shtetit dhe pasditen e sotme janë ndjekur deri në Kapshticë, ku edhe i janë nënshtruar kontrolleve. Dyshohet se pas tentativës për të trafikuar lëndën narkotike drejt Greqisë fshihet një grup i fuqishëm kriminal. Report Tv mëson gjithashtu se pritet që në orët e ardhshme të ketë disa arrestime.

Njoftimi i Policisë

Kapshticë 

Policia Kufitare në bashkëpunim me Autoritetet Doganore, mbi bazën e informacioneve të siguruara në rrugë operative, godasin një tentativë të trafikut ndërkombëtar të lëndëve narkotike. 

Gjatë kontrollit të detajuar në vijë të dytë duke përdorur qen antidrogë dhe më pas edhe gjatë skanimit, Policia Kufitare dhe Dogana kanë konstatuar në dy kamione lëndë narkotike.

Po vijon kontrolli i imtësishëm i dy mjeteve. 

Për arsye hetimore, nuk bëjmë me dije të dhëna të tjera.

Lajmi në përditësim...

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fae: 14/02/2019 08:50

    Ja dhe era zedhensja e shpellarit, po moj ashtu esht se dhe kallashnikovet qe kapen sot esht habi se depot u hapen ne 97 a po se mand mend kur i hapet, dhe hashashi mund te jet prodhimi i ruajtur neper shpella.

    Përgjigju
    • Justice: 14/02/2019 10:34

      Po si jo,eshte ruajtur qe ne 97 edhe hashashi,eshte per te ardhur keq qe donit te mbuloni gabimet e ps duke ja atribuar pd.pd e ka marre pergjigjen,por keta cfare po bejne ndryshe?

  • Era: 13/02/2019 23:32

    Çne? G. Di Finanza tha sot që Shqipëria u pastrua nga kanabis. Propaganda vazhdon....

    Përgjigju
    • Justice: 14/02/2019 10:35

      Kjo ishte e fundit,nuk beson?ja shikoje ne lajme po degjove me hahahahah

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Planet e administratës Trump për t’i dhënë fund luftës në Gazë

Planet e administratës Trump për t’i dhënë fund luftës në Gazë

25 Dhjetor, 16:49