Kapiteni Arijan Ademi u tërhoq pas 13 vitesh, Dinamo e Zagrebit merr vendimin unik për shqiptarin

Kapiteni Arijan Ademi u tërhoq pas 13 vitesh, Dinamo e Zagrebit merr vendimin unik për shqiptarin

Koreografia për lamtumirën e Ademit

Arijan Ademi i ka dhënë lamtumirën skuadrës së Dinamo Zagreb pas 13 vitesh, duke vendosur që karrierën e tij ta vazhdojë në kampionatin kinez të futbollit. Mesfushori shqiptar me origjinë nga Maqedonia e Veriut, por i lindur dhe i rritur në Zagreb të Kroacisë, dje u prezantua te skuadra e tij e re, Beijing Gouan.

Me këtë rast atij iu organizuar një lamtumirë e paharruar nga grupi i tifozëve të Dinamos, “BBB”, ndërsa së fundmi Ademi është nderuar në mënyrë të veçantë edhe nga vetë klubi, drejtuesit e të cilit kanë thyer traditën dhe për herë të parë në histori do të tërheqin numrin e një fanelle, e gjithë kjo në nder të mesfushorit shqiptar i cili përfaqëson Maqedoninë e Veriut në arenën ndërkomëbtare.

“Arijan Ademi, simboli, modeli, kapiteni dhe lideri, u largua nga GNK Dinamo pas gati 13 vitesh me fanellën blu. Ditët e kaluara janë shkruar me qindra komunikata dhe mesazhe tifozësh me rastin e lamtumirës së kapitenit dhe vetë klubi e ka falënderuar emocionalisht Ademin për gjithçka që ka dhënë për fanellën blu.

Kapiteni ynë e meritoi, para së gjithash, me paraqitjet, golat, asistimet, trofetë dhe më e rëndësishmja, me sjelljen e tij. Vitet që kaloi në klub do të jenë gjithmonë një frymëzim i pashtershëm për të gjithë lojtarët e Dinamos. Është e pamundur të shprehim plotësisht respektin dhe mirënjohjen që ndjejmë për kapitenin tonë. Në të njëjtën kohë, klubi ka marrë vendim që numri 5 të tërhiqet nga përdorimi në skuadrën blu derisa Arijan Ademi të vendosë të mos luajë më aktivisht në futboll, pra deri në përfundimin e karrierës së tij", njofton Dinamo Zagreb.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dani Alves 'e djeg' pasi lë qelinë, festë deri në orët e para të mëngjesit

Dani Alves 'e djeg' pasi lë qelinë, festë deri në orët e para të mëngjesit