Shtatë të arrestuarit gjatë aksionit ku u sekuestruan 400 kilogramë kokainë, janë dënuar nga Gjykata e Kosovës me 30 ditë paraburgim. Për Izet Sheqirin, Kadri Sheqirin, Kadri Ibrahimit, Fehmi Bytyqit, Faton Vrajollit, Enver Belegut dhe Bajram Maliqit, janë dënuar me paraburgim për veprat penale: “Pjesëmarrja dhe organizimi i grupit criminal të organizuar”, “Posedimi i paautorizuar i narkotikëve, substancave psikotrope ose analoge”, dhe “Mbajta ne pronësi, kontroll ose posedim të paautorizuar të armëve”.
Ndërsa avokati i të arrestuarve, Besnik Berisha tha pas vendimit se të dyshuarit nuk janë kriminelë siç pretendon prokuroria, pasi ata nuk kanë qenë në dijeni se në kamion ka substanca narkotike. Berisha tha se prokuroria nuk ka asnjë provë të vetme ndërsa sipas tij, po të ishte i vërtet skenari që ka paraqitur prokuroria, do shitej shumë si film.
“Ata janë vetëm njerëz që kanë qëlluar në vendin e ngjarjes. prokuroria nuk ka pasur asnjë provë. Njësoj ka qenë mundësia e manipulimit në dërgesë. Është manipular nga ky sistem i fortifikuar, i sofistikuar në porte të ndryshme” tha avokati.
Guardia di Finanza deklaroi dje se se të paktën 25 persona janë ndalur dhe 7 prej tyre u janë vënë prangat si të dyshuar në përfshirjen e trafikimit të kësaj sasie kokaine. Droga, nëse shitej me pakicë në qendrat evropiane të tregtisë së drogës sipas GDF do të kishte lejuar krimin e organizuar të fitonte mbi njëqind milion euro.
Kokaina ka kaluar nga porti i Durrësit dhe është kapur në Kosovë falë një bashkëpunimi të ndërsjella, mes DEA-s amerikane, autoriteteve italiane, shqiptare dhe atyre të Kosovës. DEA-s amerikane, kishte informacion që në origjinë për ngarkesën në fjalë duke i vendosur GPS për të parë se ku do të shkonte. Nga operacioni janë arrestuar 7 persona, për shkak se akuzohen se janë të përfshirë në rrjetin që trafikoi kokainën, disa prej tyre janë Izet Sheqiri, Enver Belegu dhe Bajram Maliqi janë tre të arrestuarit në Kosovë. I arrestuari Izet Sheqiri është ortaku i shtetasit shqiptar Bledar Habili, të cilët kanë në pronësi kompaninë MC FOOD me seli në Kavajë dhe në Lipjan të Kosovës, kompani e krijuar 7 muaj para se të kapej droga.
Lënda narkotike ishte fshehur në kamionin me mish pule ku ishte e vendosur në 20 arka, ku ishin hequr pulat dhe ishte vendosur droga në vend të tyre. Në pamjet e siguruara nga Report Tv kokaina ishte e mbështjellë me imazhin e ëhiskyt të famshëm brazilian 'Vleho Barriero'. Konteineri me drogë u nis nga Amerika e Jugut, ndaloi në Gioia Tauro në Itali dhe më pas ndaloi në Durrës.
Gjykata Themelore në Prishtinë ka aprovuar kërkesën e Prokurorisë Speciale për caktimin e masës së paraburgimit ndaj Izet Sheqirit, Kadri Sheqirit, Kadri Ibrahimit, Fehmi Bytyqit, Faton Vrajollit, Enver Belegut dhe Bajram Maliqit. Ata dyshohen se kanë kryer veprën penale “Pjesëmarrja dhe organizimi i grupit kriminal”, lidhur me veprën penale “Blerja, posedimi, shpërndarja dhe shitja e paautorizuar e narkotikëve".
Shtatë të dyshuarit u arrestuan gjatë një aksioni të policisë të hënën në Lipjan, ku u gjetën dhe sekuestruan 400 kg kokainë, që dyshohet se ka ardhur nga Brazili, e fshehur në pakot e produkteve të mishit të pulës. Ndërkaq, avokati i Izet Sheqiri, avokati Besnik Berisha, ka thënë se të dyshuarit nuk janë kriminelë siç pretendon prokuroria, pasi ata nuk kanë qenë në dijeni se në kamion ka substanca narkotike. Berisha tha se prokuroria nuk ka asnjë provë të vetme ndërsa sipas tij, po të ishte i vërtet skenari që ka paraqitur prokuroria, do shitej shumë si film.
“Ata janë vetëm njerëz që kanë qëlluar në vendin e ngjarjes. prokuroria nuk ka pasur asnjë provë. Njësoj ka qenë mundësia e manipulimit në dërgesë. Është manipular nga ky sistem i fortifikuar, i sofistikuar në porte të ndryshme” tha Berisha.
Paraditen e sotme, Drejtori i Policisë së Shtetit Ardi Veliu, gjatë një takimi me Drejtorin e Departamentit të Policisë Kriminale Tonin Vocaj, Drejtorin e Departamentit të Policisë Kufitare Eduart Merkaj dhe me drejtuesit e strukturave në varësi të tyre që morën pjesë në operacionin ndërkombëtar antidrogë, ka shprehur vlerësimin maksimal për profesionalizmin e treguar, koordinimin e veprimeve mes homologëve, si dhe më kryesoren ruajtjen e kofidencialitetit që çoi në finalizimin me sukses të operacionit gjatë të cilit u sekuestruan 400 kg kokainë dhe u vunë në pranga 7 persona.
“Dua të falënderoj të gjithë drejtuesit dhe oficerët e Departamentit të Policisë Kriminale dhe të Departamentit të Policisë Kufitare, për angazhimin dhe kontributin në finalizimin e këtij operacioni shumë të suksesshëm, rezultatet e të cilit treguan dhe njëherë më së miri që ne, Policia Shqiptare, jemi tashmë partner i besueshëm, jemi një strukturë që ka arritur pjekurinë dhe profesionalizimin për të bashkëpunuar si e barabartë me të gjitha agjencitë e tjera të zbatimit të ligjit. Është për t’u vlerësuar jo vetëm finalizimi me sukses i këtij operacioni, por edhe qëndrueshmëria dhe ruajtja e kofidencialitetit dhe e mosdekonspirimit të asnjë veprimi gjatë 15 ditëve të zgjatjes së operacionit.
Të gjithë ju që jeni këtu në sallë e disa nga vartësit e tjerë që mungojnë, të cilët mund të jenë në terren me detyra të tjera, e dinin se çfarë pritshmërie kishin, por nuk na rrodhi asnjë lloj informacioni, asnjë detaj pavarësisht se ishin prezent në terren shumë oficerë nga disa struktura dhe ja arritëm ta finalizonim me sukses. Falënderimi kalon për çdo njërin jo vetëm nga ju në sallë, por për të gjithë kolegët që kanë kontribuar në finalizimin e këtij operacioni.
Uroj dhe shpresoj që ky rast të na shërbejë si një ogur i mirë që ne të jemi më të organizuar edhe në raste të tjera ku ne do të ballafaqohemi me informacione të kësaj natyre, pavarësisht destinacionit të ngarkesave të realizojmë dhe organizojmë punën për të mbërritur tek pritësit apo për ta thelluar procesin deri në fund. Shumë faleminderit edhe njëherë dhe suksese", tha Veliu.
Lajme të tjera
-
Qeveria: Draftstatuti i Asociacionit është veç një non-paper
2 Nëntor, 09:11 -
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Serbia: Projektligjet për serbët në Kosovë nuk cënojnë zotimet tona në procesin e dialogut
1 Nëntor, 15:12 -
Dhunuan personazhin e TikTok, Stresi vetëdorëzohet në Polici! Prokuroria e Pejës cakton 48 orë paraburgim
1 Nëntor, 11:37 -
Prokuroria e Posaçme e Kosovës ngre akuza ndaj dy personave për krime lufte
1 Nëntor, 09:13 -
Shtetet e Bashkuara kritikojnë projektligjet e miratuara nga Serbia që lidhen me Kosovën
1 Nëntor, 09:04 -
Kosovë/ Gjendet GPS në makinën e gazetarit Vehbi Kajtazi: Përndiqem nga pushteti! Reagon Qendra Evropiane për Lirinë e Shtypit dhe Medias
31 Tetor, 23:00 -
Ambasadori rus në OKB: Serbia do kërkojë kthimin e 1 mijë ushtarëve të saj në Kosovë, e mbështesim
31 Tetor, 21:33 -
Eksperti i Bankës Botërore: Shqipëria dhe Kosova të përqëndrohen në diversifikimin e ekonomive të tyre
31 Tetor, 19:40 -
OKB: Anglia propozon rishikimin e rolit të UNMIK në Kosovë
31 Tetor, 19:11 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
Gjykimi i krimeve në Kosovë, SHBA kritikon Serbinë: Ka shkelur detyrimet nga dialogu i Brukselit
31 Tetor, 15:55
