KAPSHTICË - Një sasi prej 114 kg marijuanë është sekuestruar në pikën doganore të Kapshticës nga policia greke, ndërsa është arrestuar një 66-vjeçar nga Maqedonia.

Lënda narkotike ishte fshehur në pjesën e pasme të një fugoni me të cilin udhëtonte 66-vjeçari identiteti i të cilit nuk dihet, ndërsa ai i ka shpëtuar kontrolleve nga pala shqiptare.

Lënda narkotike e sekuestruar, e cila ishte e ndarë në 104 pako e mbështjellë me letër natriban është sekuestruar në cilësinë e provës materiale së bashku me automjetin.

Policia ka nisur hetimet për zbulimin e personave të tjerë të përfshirë në këtë rrjet.

Redaksia Online
(mag/shqiptarja.com)