POP 5

Lajmet më të lexuara të 5 minutave të fundit

Kultura

Karnavalet në Gjirokastër, rrugët e kalldrëmta mbushen me fëmijë me kostumeshumëngjyrëshe

Festa e karnavaleve në të cilën u përfshinë parada e fëmijëve me kostumet shumëngjyrëshe në rrugët e kalldrëmta, koncerte artistike, ekspozita, folk e kulinari, i afroi Gjirokastrës një ditë të veçantë me atmosferë speciale.

Për shumë vite karnavalet ishin harruar në Gjirokastër. Por për të dytin vit radhazi, ato janë kthyer një nga festat më të mëdha në qytetin e gurtë

Me kostume shumëngjyrëshe të personazheve të dashur të kukullave dhe tingujt e muzikës, fëmijët i janë gëzuar atmosferës duke parakaluar në rrugët e kalldrëmta të pazarit karakteristik.

“Jam 11 vjeç. Jam veshur sot si Hirushja, pasi më pëlqen shumë. Jam këtu me motrën dhe me shoqet”, shprehet një vajzë.

“Jam 12 vjeç. Kemi dalë sot me shkollën. Më pëlqejnë shumë aktivitetet”, thotë një vajzë tjetër.

E njohur ndryshe si dita e prosopullave kjo festë pagane, organizimet dëshmohen që prej viteve 1900, në kohën e pushtimit turk.

Kostumi tipik ishte ai tradicional i zonës, fustanella labe, dhe personazhet e ndryshme, qofshin edhe ato të grave, interpretoheshin të gjithë nga burra.

Organizimet më të fundit të kësaj feste në Gjirokastër mbahen mend të kenë qenë në vitet ’60.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

SHBA/ Kamala falenderon vullnetarët! Beyonce krah saj thirrje ta votojnë

SHBA/ Kamala falenderon vullnetarët! Beyonce krah saj thirrje ta votojnë

5 Nëntor, 21:51