KAS rrëzoi kërkesën e PD për prova shtesë për zgjedhjet në Gjirokastër, Bardhi: U mohuan shqiptarëve të drejtën për transparencën e masakrës zgjedhore

KAS  rrëzoi kërkesën e PD për prova shtesë për zgjedhjet në Gjirokastër, Bardhi: U mohuan shqiptarëve të drejtën për transparencën e masakrës zgjedhore

Gazment Bardhi

Sekretari i Përgjithshëm i PD, Gazment Bardhi ka reaguar pas vendimit të KAS për të mos pranuar kërkesën për prova të tjera shtesë për zgjedhjet në qarkun e Gjirokastrës, duke e konsideruar si "vendim që u mohoi shqiptarëve të drejtën për transparencën e masakrës zgjedhore"

Me një postim në Facebook, Bardhi i akuzon tre anëtarët e KAS si "shërbëtorë të Ramës", ndërsa thotë se kërkesa e PD u refuzua në mënyrë të paligjshme.

"3 shërbëtorët e Ramës në KAS u mohuan shqiptarëve të drejtën për transparencën e masakrës zgjedhore. Do apo jo Rama, transparenca do të bëhet e plotë!

Komisioni i Ankesave dhe Sanksioneve në KQZ u mohoi sot shqiptarëve transparencën për masakrën zgjedhore të 25 Prillit. 3 anëtarët e zgjedhur nga PS refuzuan, në mënyrë të paligjshme, pa asnjë argument të marrin nga institucionet shtetërore provat që faktojnë se PS përdori burimet shtetërore dhe kriminale për deformimin e vullnetit të zgjedhësve", thotë Bardhi.

Ai akuzon Komisioni i Ankesave dhe Sanksioneve në KQZ se me këtë vendim, është bërë palë me pushtetin për blerjen e zgjedhjeve "duke u hequr shqiptarëve të drejtën për proces të ndershëm zgjedhor".

"Duke refuzuar të marrë dhe administrojë informacionin zyrtar për punësimet masive të paligjshme, përdorimin e personave me rekorde kriminale për blerjen e votave, dhënien e paligjshme të lejeve të legalizimit apo favoreve të tjera shtetërore në këmbim të votave, KAS bëhet palë me pushtetin për blerjen e zgjedhjeve.

Ky është një akt i përsëritur, kur  shërbëtorët e Ramës u heqin shqiptarëve të drejtën për një proces të ndershëm zgjedhor. Me vendimin për fletën e ndërlikuar të votimit, për shkak të të cilit vota e 83 mijë qytetarëve u bë e pavlefshme, KAS faktohet si bashkëautor i masakrës elektorale të 25 Prillit.

Edi Rama mund ta pengojë tani, por nuk ka forcë ta ndalojë transparencën për masakrën zgjedhore. Transparenca dhe drejtësia për 25 Prillin do të bëhet e plotë, do apo nuk do Rama dhe veglat e tij në KAS", shton Bardhi.

KAS vendosi sot që ankimi i PD dhe LSI për rezultatin e zgjedhjeve në qarkun e Gjirokastrët do të shqyrtohet duke marrë për bazë vetëm provat e depozituara nga këto dy forca, pa marrë prova shtesë nga institucionet. PD-së, sikurse edhe LSI-së iu rrëzua kërkesa për informacione shtesë.

Më konkretisht, KAS rrëzoi kërkesën e LSI për të marrë prova nga institucionet shtetërore për emigrantët e penguar të votojnë si edhe kërkesën e PD për të marrë informacione nga institucionet si prokurori, polici, INSTAT, Ministria e Shëndetësisë, etj.

PD ka ankimuar rezultatin e 25 prillit në qarkun e Gjirokastrës, si edhe në 8 qarqe të tjera me argumentin e PS-ja ka blerë masivisht votat nga individë me rekorde kriminale, se ka dhënë leje legalizimesh , ndihma ekonomike, pagesa për tërmetin për vota në favor të socialistëve. Surprizë në kërkesën e tyre ishte se nuk kërkonin rinumërim të votave, por direkt rivotim në këto qarqe, përveç atyre ku dolën fitues.  

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • JamKushJam: 12/05/2021 21:40

    PD: Spak duhet te hetoj pse jan vjedh votat. SPAK: Po si u vodhen? PD: Ate pune duhet ta beni ju sepse eshte puna juaj!!! SPAK: une s'jam parti e votuar, dhe s'kam prova. PD: O BAAAAAAAAAA

    Përgjigju
  • Roland Gjoni: 12/05/2021 20:00

    mjere PD ku ka perfunduar zot na ruaj nga keto idiote

    Përgjigju
  • Mashkullori: 12/05/2021 19:51

    Perse kerkoni te merrni informacion prej institucioneve te tjera ju zoterinjte e PD-se? Ju ankkoheni se jane vjedhur vota? -Ku i keni provat tuaja? Ju ankoheni se jane perdorur fonde shteterore per te blere vota. -Cilat fonde dhe ku jane perdorur keto fonde per blerje vote,pre te cilet veni ne KAS per t'u ankuar? Juve ankoheni se PS-ja ka perdorur persona me rekorde kriminale per te ushtruar presion per te votuar,PS-ne. -Cilet jane keta persona dhe ku dhe kujt i kane ushtruar presion per te dhene voten PS-se? Ju ankoheni se jane dhene legalizime te paligjeshme per te marre voten PS-ja. -Ku dhe kujt i jane dhene keto legalizime te paligjeshme? Ja,keto prova ju duhet t'i kini vete,perndryshe nuk keni asnje baze ligjore te pretendoni se sa me siper jane perdorur per te perfituar vota padrejtesisht.... Ne se keni fjetur dhe nuk keni arritur te gjeni prova,a mos kerkoni qe te tjere te jene ne sherbimin tuaj? Ne se keni pretendime pa argumentime,nuk keni per te perfituar asnje pavlefshmeri apo riperseritje te votimeve...

    Përgjigju
  • Samiu: 12/05/2021 19:28

    O Finok i keq,shpirt zi...,o Parti e Manipulatorëve e Sharlatanëve...si Kryetari e Salinji me shokë...!Populli votoi,dhe unë e pashë vetë se ishin zgjedhjet me standartet demokratike e Transparente ma të mirat deri më sot..!..po ju doni me e kall Shqipninë..në emër të Serbo agjentëve tuaj që kanë privatizuar PD

    Përgjigju
  • Cubel breca: 12/05/2021 19:13

    Cfar transparence do ky qorri bibes se si vriten njerezit ne mes te dites. Cfar jan keta qener????????????????????????? Populli e dha verdiktin me dt 25 prill. Shporruni legena.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev