KAS i shfuqizoi gjobën Veliajt, reagon Ivi Kaso: Vendim antiligjor, bie ndesh me standartin e OSBE-së për ndarjen e shtetit nga partia

Sekretari për Çështjet Zgjedhore, Ivi Kaso ka reaguar në lidhje me shfuqizimin që KAS bëri ndaj gjobës së kryebashkiakut Erion Veliaj.

'Komisioni i Ankimimeve dhe Sanksioneve (KAS) humbi sot mundësinë për të qenë një strukturë në funksion të garantimit të zgjedhjeve të lira e të ndershme. Sot me një vendimarrje të paprecedent, 3 anëtarët e KAS kanë shkelur rëndë besimin se mbi interesin e partisë në pushtet qëndron ligji dhe vetë rregullat e sanksionuara nga KQZ.

LEXO EDHE:
Protestat e Rithemelimit, Veliaj për Report Tv: Dogjën bashkinë, monument kulture! Ditët e ardhshme dorëzoj vetë dosjet në SPAK me informacione për të gjitha çështjet

Vendimet antiligjore të 3 anëtarëve të KAS bien ndesh me standartin e OSBE për ndarjen e shtetit nga partia, duke justifikuar përdorimin e funksionit publik nga Erjon Veliaj për interesa të Partisë Socialiste.

Partia Demokratike dënon këtë akt të paligjshëm të 3 anëtarëve të KAS, që cënon rëndë standardet e barazisë së palëve në zgjedhje.'- thekson Ivi Kaso.

Lajmi kryesor:

U gjobit për organizimin e aktiviteteve të ndaluara përpara zgjedhjeve, KAS shfuqizon gjobën e KQZ-së prej 75 mijë lekësh ndaj kryebashkiakut Erion Veliaj

M.Q./Shqiptarja.com

TAG:
• kqz
• erion veliaj
• Fushate elektorale
• kas
• zgjedhjet parlamentare 2021