Shkolla “Jeronim de Rada” do të rikonstruktohet plotësisht dhe 1100 nxënësit e saj do të kenë kushte më të mira mësimi në klasa, me ngrohje në dimër, terrene të reja sportive e laboratorë modernë.
Të gjitha investimet do të kryhen falë një donacioni që ambasada e Katarit i ka bërë Bashkisë së Tiranës. Donacioni mban vlerën e 1.35 milion dollarëve, dhe jepet për të bërë realitet rikonstruksionin e godinës, pas një marreveshje të nënshkruar mes kryebashkiakut Erion Veliaj dhe ambasadorit Ali bin Hamad Al-Marri.
Veliaj u shpreh se ndërhyrja në këtë shkollë ishte bërë një domosdoshmëri, për shkak të amortizimit të madh ndër vite, ndërsa theksoi se falë këtij rikonstruksioni do krijohen kushte optimale për zhvillimin e procesit mësimor.
Ky është një projekt special për të dy: edhe për ambasadorin Al Marri, por edhe për ne si Bashki e Tiranës, për rikonstruksionin e plotë dhe shtimin e hapësirave në shkollën “Jeronim de Rada”, një nga shkollat kryesore 9-vjeçare të kryeqytetit. Në këtë projekt na janë bashkuar miqtë tanë nga Katari, për të transformuar totalisht realitetin e kësaj shkolle. Kemi vite që ndjejmë nevojën për ndërhyrje në atë shkollë: do të shtojmë një palestër të re, do të bëjmë të gjitha punimet e brendshme dhe të jashtme, do të rregullojmë të gjitha terrenet sportive, për ta kthyer në një shkollë me një turn mësimi, me sistem të ri të ngrohjes dhe ftohjes, me kushte ideale për arsimimin e fëmijëve.
Erion Veliaj, kryebashkiak i Tiranës
Ai falenderoi miqtë nga Katari për realizimin e projektit dhe shprehu mirënjohjen e veçantë për Emirin e Katarit, për mbështetjen që i ka dhënë rritjes së marrëdhënieve mes dy shteteve dhe kryeqyteteve.
Në këtë zyrë presim e përcjellim shumë personalitete, por ata që mbahen mend janë ata që bëjnë diçka konkrete, të prekshme për komunitetin. Pavarësisht kur mbarojnë mandatet tona, komuniteti i Njësisë 9, i rrugës “Fortuzi”, komuniteti i Tiranës do të thotë: këta dy zotërinj, me ekipet e tyre, bënë diçka që i mbeti Tiranës, pavarësisht se ku vazhdojmë me jetët tona. Ndaj i shpreh mirënjohjen e veçantë Emirit të Katarit sepse në fund të ditës është Fondi i Katarit për Zhvillim, që përfaqësohet në Tiranë nga shkëlqesia e tij Ambasadori Al Marri, që e kanë ndjekur nga ana teknike projektin për ta çuar deri në fund atë. Shpresoj që ky të jetë fillimi i një miqësie të bukur, që do të zgjasë shumë, edhe ky të jetë vetëm i pari i projekteve konkrete që Tirana dhe Katari zhvillojnë mes tyre.
Erion Veliaj, kryebashkiak i Tiranës
Ambasadori i Katarit në vendin tonë, Ali bin Hamad Al-Marri, u shpreh se ky projekt ka për qëllim t'i sigurojë kryeqytetit një mjedis arsimor bashkëkohor, në mënyrë që Tirana të krijojë kushte të mira për edukimin e fëmijëve të saj, për zhvillimin e aftësive të tyre, si dëshmi e kujdesit që i kushton Lartësia e Tij Sheikh Temim bin Hamad Al Thani edukimit të gjeneratës së re.
Emiri i Shtetit të Katarit i kushton një vëmendje të veçantë rëndësisë së arsimit, si një faktor thelbësor në edukimin e një brezi të ndërgjegjshëm dhe të kulturuar, i cili ndërton një shoqëri të drejtë dhe kontribuon në arritjen e zhvillimit social dhe ekonomik, duke luajtur një rol efektiv në promovimin e stabilitetit, si dhe duke punuar për të garantuar një të ardhme të sigurt e të ndritshme. Granti që ne nënshkruajmë sot, vjen si mishërim i këtij vizioni të urtë, dhe si konfirmim i vullnetit të Shtetit të Katarit për të forcuar bashkëpunimin me Qeverinë e Shqipërisë dhe lidhjet e ngushta me popullin mik shqiptar. Rikonstruksioni i shkollës "Jeronim de Rada" në Tiranë është një projekt që i shtohet projekteve të tjera, dhe që shënon një fazë të re bashkëpunimi të përbashkët ndërmjet dy vendeve dhe popujve tanë miq. Me këtë rast, dua të theksoj se Ambasada e Shtetit të Katarit nuk do të kursejë asnjë përpjekje për të mbështetur të gjitha nismat që synojnë arritjen e këtij qëllimi.
Ali bin Hamad Al-Marri, ambasadori i Katarit
Ndërhyrjet në shkollën Jeronim De Rada do të jenë në aspektin funksional për krijimin e ambienteve më të përshtatshme dhe më të rehatshme për nxënësit.
Projekti synon në ndërtimin e një ndërtese të re për palestrën, rregullimin e sistemit qendror të ngrohjes dhe ftohjes, dyert dhe dritaret të reja, nyjat sanitare, tualetet e riparuara, tarraca e rregulluar, sistemi elektrik i përmirësuar, ndriçimi i jashtëm dhe i brendshëm. Gjithashtu, në oborrin e jashtëm është parashikuar të krijohen objekte të reja të hapura sportive.
Ndërsa, zona e oborrit të shkollës do të rimodelohet në një zonë rekreative për fëmijët me terren për lojëra, zonë pushimi dhe gjelbërim shtesë në kufirin perimetrik.
Lajme të tjera
-
Hetimi pasuror, Veliaj në Këshillin Bashkiak: U denoncova nga një njeri që s'ekziston, kurth i sajuar! Këtu do jemi, në maj u mundim
26 Dhjetor, 16:32 -
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08
