POP 5

Lajmet më të lexuara të 5 minutave të fundit

Sport

Kategoria e Parë/ Dinamo dhe Korabi 'shkelm' krizës, Skënderbeu blof në transfertë! Flamurtari merr kreun me tripletë (RENDITJA - GOLAT)

Kategoria e Parë e futbollit në Shqipëri ka vijuar sot me javën e 18-të. Në fushë zbritën 14 skuadrat, teksa rezultatet kanë qenë surprizuese.

Kategoria e Parë e futbollit në Shqipëri ka vijuar sot me javën e 18-të. Në fushë zbritën 14 skuadrat, teksa rezultatet kanë qenë surprizuese. Skënderbeu që deri para këtij raundi kryesonte klasifikimin, është ndalur 0-0 në transfertën e Burrelit. Korçarët kanë shënuar, por goli i tyre është konsideruar si i parregullt, me fundin e takimit që ka qenë i tensionuar.

Në ndeshjet e tjera, Korabi fitoi 1-0 me Besën falë golit të Mario Beshiraj. Edhe Dinamo ka bërë detyrën duke fituar bindshëm 0-4 në transfertë me Besëlidhjen. Ivan me dopietë, Denisson dhe Denilson shënuan për Blutë, me Dritan Mehmetin që ka debutuar me tri pikë te Dinamo.

Në ndeshjet e tjera, Apolonia fitoi 1-0 me Tërbunin falë golit të Eneh në minutën e 80-të. Luzi dhe Turbina barazuan 0-0, ndërsa Tomori mundi 2-0 Orikun. Për beratasit shënuan Laval dhe Alinani, duke përmbysur golin e Rafael.

Në stadiumin 'Flamurtari' në Vlorë, Flamurtari fitoi 3-0 me Lushnjën duke marrë kreun e Kategorisë së Parë. Yuri Merlim hapi ndeshjen në minutën e tretë pas një aksioni model. Në të 43 minutë Basha shënoi autogol, teksa Fabio Beqja në të 70 minutë shënoi për 3-0. Flamurtari kryeson me 35 pikë pas javës së 18-të, ndjekur nga Dinamo dhe Skënderbeu me 34 pikë. Në fundin e ftohtë Oriku, Turbina, Lushnja dhe Besëlidhja.

Kategoria e Parë - java 18-të:

Apolonia 1-0 Tërbuni

Besëlidhja 0-4 Dinamo

Burreli 0-0 Skënderbeu

Korabi 1-0 Besa

Luzi 0-0 Turbina

Tomori 2-1 Oriku

Flamurtari 3-0 Lushnja

Renditja:

Rendit zhvillimet sipas orarit:
Ora 16:20
VIDEO/ Skënderbeut i anullojnë golin në shtesë, Frashëri përplaset me policin në fushë

Kategoria e Parë e futbollit në Shqipëri zhvilloi javën e 18-të. Burreli dhe Skënderbeu barazuan 0-0, teksa fundi i ndeshjes ka qenë dramatik. Korçarët ia dolën që në 90+1 minutë të shënonin me Dumfour, gol që u anullua për pozicion jashtë loje. Fërshëlima e fundit e arbitrit ka bërë që miqtë nga juglindja të rrethonin gjyqtarët për t'i kërkuar llogari. Erlis Frashëri nuk i ka mbajtur nervat dhe është përplasur me një nga policët bashkiak, i ngarkuar për ruajtjen fizike të arbitrave. Më herët gjatë sfidës vendasit goditën dy herë shtyllën, teksa Skënderbeu ndalet në transfertë duke humbur kreun e klasifikimit.

Goli i korçarëve:

Përplasja pas ndeshjes:
 

S.Dh/Shqiptarja.com

Ora 15:30
VIDEO/ Tripletë në shtëpi, Flamurtari 'zhyt' Lushnjën dhe merr kreun e Kategorisë së Parë

Në stadiumin 'Flamurtari' në Vlorë, Flamurtari fitoi 3-0 me Lushnjën duke marrë kreun e Kategorisë së Parë. Yuri Merlim hapi ndeshjen në minutën e tretë pas një aksioni model. Në të 43 minutë Basha shënoi autogol, teksa Fabio Beqja në të 70 minutë shënoi për 3-0. Flamurtari kryeson me 35 pikë pas javës së 18-të, ndjekur nga Dinamo dhe Skënderbeu me 34 pikë. Në fundin e ftohtë Oriku, Turbina, Lushnja dhe Besëlidhja.

S.Dh/Shqiptarja.com

S.Dh/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58