Kategoria e Parë/ Vora dhe Flamurtari e nisin vitin me fitore, zhgënjejnë Besa e Apolonia! Shtyhet një duel

Kategoria e Parë vijoi këtë të shtunë me katër ndeshjet e radhës për raundin e 18-të. Pas pushimeve niveli i dytë i futbollit në vend zbriti në fushë me rezultate surprizë, ndërkohë që ndeshja Erzeni - Lushnja u shty për shkak të gjendjes së keqe të fushës.

Në Vlorë vendasit e Flamurtarit nuk e kursyen Korabin dhe e mposhtën 3-0. Dopieta e Vasil Shkurtaj dhe Selimi i dhanë tri pikë me vlerë vlonjatëve. Në Vorë, vendasit fituan 3-2 kundër Kastriotit dhe mbajnë kreun. Ruzgis, Bardhi dhe Tabaku shënuan për vendasit, teksa Musaj dhe Ajazi shkurtuan për miqtë.

Në "Loni Papuçiu" të Fierit Apolonia barazoi 0-0 me Valbonën. Barazim edhe në Burrel 1-1 mes vendasve dhe Besës. Ferruku shënoi për ekipin e Ditmar Bicaj, ndërsa barazoi Nurja. Trajneri Emiljano Çela debuton kështu me pikë te kavajasit.

Ndeshja e shtyrë

Ndeshja e planifikuar për t’u luajtur sot, Erzeni - Lushnja është shtyrë për shkak të gjendjes jo të mirë të fushës. Kjo ndeshje do të zhvillohet nesër, ditën e diel, në stadiumin e Vorës dhe do të nisë në orën 13:30.

Pas kësaj jave Vora mban kreun ndjekur nga Flamurtari. Në fund Kukësi, Korabi, Valbona dhe Erzeni.

Kategoria e Parë, raundi 18-të:

E premte, 10 janar 2025

13:30 Kukësi 3-1 Pogradeci

E shtunë, 11 janar 2025 - 13:30

Apolonia 0-0 Valbona

Burreli 1-1 Besa

Flamurtari 3-0 Korabi

Vora 3-2 Kastrioti

E diel, 12 janar 2025

13:30 Erzeni - Lushnja (Vorë)

Renditja:

S.Dh/Shqiptarja.com

TAG:
• Kastrioti
• vora
• Korabi
• flamurtari
• BESA
• burreli
• valbona
• apolonia
• fshf
• Kategoria e Pare