DIBËR- Katër persona nuk i janë bindur urdhrit të policisë në Klos të Dibrës për të ndaluar. Ngjarja është regjistruar mbrëmjen e së premtes pranë Urës Fshat në Klos.
Katër personat kanë qenë me një makinë me xhama të zinj dhe policia iu ka kërkuar të ndalojnë por ata janë larguar dhe më pas kanë braktisur mjetin. Ata janë favorizuar nga errësira dhe kanë arritur të largohen. Mjeti ka qenë duke udhëtuar nga Tirana në Dibër.
Gjatë kontrollit të ushtruar në mjet janë gjetur tre kapuçë të zinj në formë maske 30 fishekë luftarak dhe një mekanizëm metalik që shërben për blurje të lëndës narkotike.
Policia ka mundur të identifikojë 4 të rinjtë, E.R., D.M., Sh.H., dhe E.Rr., 21 vjeç, të gjithë banues në Tiranë, dhe tashmë janë shpallur në kërkim. Ndaj tyre rëndojnë akuzat për veprat penale "Prodhimi dhe shitja e narkotikëve", "Armëmbajtje pa leje" dhe "Mosbindja ndaj urdhrit të punonjësit të policisë" .
Po ashtu janë vënë nën hetim tre persona të tjerë, të cilët u gjetën në një banesë të braktisur nga ku kishin dyshime se ishin fshehur katër të rinjtë që u arratisën. Ata kanë lidhje shoqërore me katër të rinjtë. Në hetim u vendosën E.M., R.T; K.K., 22 vjeç, të tre banues në Tiranë, pasi u kapën duke ndarë në doza një sasi të vogël kanabisi.
Katër të rinjtë nga Tirana që nuk iu bindën urdhrit të policisë në Klos për të ndaluar janë identifikuar dhe shpallur në kërkim. Policia ka sekuestruar makinën me të cilën katër të rinjtë po lëvizin, si edhe një krëhër kallashnikovi me 30 fishekë dhe tre kapuçë në formë maskash.
“Identifikohen dhe shpallen në kërkim 4 persona nga Tirana që nuk iu bindën urdhrit të Policisë për të ndaluar.
Procedohen penalisht në gjendje të lirë tre shtetas të tjerë, lidhje shoqërore dhe të afërm të shtetasve të shpallur në kërkim të cilët u gjetën në një banesë të braktisur në fshatin Peshk, njësia Administrative Martanesh.
Sekuestrohet një automjet, një krëhër kallashnikovi me 30 fishekë, një mekanizëm që shërben për blurje të lëndës narkotike dhe tre kapuçë në formë maskash.
Strukturat hetimore të DVP Dibër në bashkëpunim me shërbimet e Komisariatit të Policisë Mat dhe Postën e Policisë Klos, në vijim të punës për kapjen e personave në kërkim, të atyre që qarkullojnë me armë zjarri apo që merrm me aktivitetin kriminal të shpërndarjes së lëndëve narkotike kanë organizuar pika kontrolli me qëllim goditjen e tyre.
Si rezultat në rrugën e Arbrit, në fshatin Shkallë, Bashkia Klos, shërbimet e Policisë i kanë bërë shenjë ndalimi automjetit tip 'Volsëagen', ku udhëtonin 4 shtetas, të cilët nuk i janë bindur urdhërit të punonjësve të policisë për të ndaluar, por janë ndaluar disa metra larg pikës së kontrollit dhe më pas kanë braktisur mjetin duke u larguar me vrap.
Gjatë kontrollit të mjetit është gjetur dhe sekuestruar në cilësinë e provës materiale një mekanizëm metalik që shërben për blurje të lëndës narkotike me mbetje të lëndës narkotike e dyshuar canabis sativa, një krëhër kallashnikovi me 30 copë fishek dhe tre kapuçë në formë maskash.
Si rezultat i hetimeve të thelluara bazuar dhe në inteligjencë informative u bë e mundur identifikimi dhe shpallja në kërkim e shtetasve :
E.R., D.M., Sh.H., dhe E.Rr., 21 vjeç, të gjithë banues në Tiranë, për veprat penale "Prodhimi dhe shitja e narkotikëve", "Armëbajtje pa leje" dhe "Mosbindja ndaj urdhërit të punonjësit të policisë" .
Po në vijim të hetimeve të thelluara shërbimet e Komisariatit të Policisë Bulqizë ushtruan kontroll në një banesë të braktisur në fshatin Peshk, njësia Administrative Martanesh ku dyshohej se do shkonin katër shtetasit e shpallur në kërkim.
Gjatë kontrollit në këtë banesë shërbimet e Policisë gjetën dhe proceduan penalisht në gjendje të lirë për veprën penale "Prodhim dhe shitja e narkotikëve", tre shtetas të tjerë nga Tirana, konkretsht: E.M., R.T; K.K., 22 vjeç, të tre banues në Tiranë. Nga hetimet rezulton se këta shtetas kanë lidhje shoqërore dhe të afërm me shtetasit e shpallur në kërkim.
Shërbimet e Policisë gjatë kontrollit në banesën ku u gjetën këta tre shtetas gjetën dhe sekuestruan një sasi të vogël canabis sativa që po e përgatisnin në doza.
Grupi hetimor nën drejtimin e Prokurorisë vijon punën për zbardhjen dhe dokumentin e plotë të këtij rasti.
Materialet i kaluan Prokurorisë për veprime të mëtejshme”, njofton policia.
Lajme të tjera
-
Aksident në aksin Ura e Çerenecit-Ostren, 1 i vdekur 2 të plagosur
22 Nëntor, 16:57 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq/ Disa fshatra në Bulqizë pa energji elektrike! Në rrugën e Arbrit në fshatin Kajmak rrëshqitje gurësh
21 Nëntor, 08:59 -
Zgjedhjet 2025/ PS ndryshime të drejtuesve politikë në qarqe, Blendi Gonxhja ikën nga Dibra vjen në Kombinat! Emri kush pritet ta zëvendësojë
20 Nëntor, 18:17 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Dibër/ Parandalohet ngjarja kriminale, arrestohet 20-vjeçari me kallashnikov dhe municione luftarake në makinë
17 Nëntor, 11:15 -
Dibër/ 60-vjeçari përplaset për vdekje, drejtuesi i mjetit largohet nga vendi i ngjarjes! E bija në lot: O babi im (VIDEO)
15 Nëntor, 17:44 -
Mat/ Gjendet lëndë plasëse artizanale në lulishten e qytetit të Burrelit, forcat xheniere shkojnë për ta çaktivizuar! Hetime për autorët
14 Nëntor, 12:09 -
Dekonspiroi operacionet e policisë dhe u përfshi në trafik droge, arrestohet efektivi i Dibrës (EMRI)
11 Nëntor, 21:00 -
Bulqizë/ 50 vjeçari u aksidentua gjatë punës në galerinë e minerës, nisin hetimet për administratorin e firmës
11 Nëntor, 12:50 -
Bulqizë/ Shoferi humbet kontrollin e mjetit, makina bie në lumë (VIDEO)
10 Nëntor, 14:25
