Një natë që do të mbetet gjatë në kujtesën e adhuruesve të muzikës elektronike! Parku i Liqenit Artificial të Tiranës mblodhi mbrëmjen e së shtunës mijëra të rinj, por jo vetëm, nga Shqipëria, Kosova, rajoni dhe vende të ndryshme të botës u bënë pjesë e një super koncerti të organizuar nën tingujt magjepsës të Keinemusik - kolektivit legjendar gjerman të muzikës elektronike me në krye DJ-n dhe producentin e famshëm Adam Port.

Për herë të parë, grupi legjendar nga Berlini, i përbërë nga Adam Port, &ME, Rampa and Reznik, mjeshtrat e beats-it elektronik, zbritën në Tiranë dhe sollën një performancë spektakolare njëjtë si në festivalet më të mëdha botërore.

Nga Ibiza në Coachella, në festivalet më të mëdha e klubet më ekskluzive të botës, Keinemusik ka ndërtuar një identitet që nuk mund të imitohet

Muzika nisi që në orët e para të mbrëmjes dhe nuk u ndal deri në agim. Mbi 7 orë muzikë, tinguj afro-house dhe techno krijuan një atmosferë elektrizuese.

Keinemusik është një kolektiv dhe label gjerman i muzikës elektronike, i themeluar në Berlin nga DJ-të dhe producentët Adam Port, &ME dhe Rampa. Të njohur për stilin e tyre unik që përzien house, afro-house, techno dhe tinguj etnikë, Keinemusik kanë ndërtuar një identitet të fortë artistik që i ka çuar në skenat më të mëdha të botës - nga Coachella dhe Tomorroëland, deri te Ibiza dhe Burning Man. Performancat e tyre janë të famshme për atmosferën ritualistike dhe përvojën vizuale që krijojnë.

Edhe kryeministri Edi Rama ka ndarë në rrjetet e tij sociale fragmente nga koncerti elektrizues me mbishkrimin "Tirana Europiane".
Xh.K/S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Qershor, 11:09

    Si ju duket situata e trafikut në vend?

Lajme të tjera