POP 5

Lajmet më të lexuara të 5 minutave të fundit

Sport

Kejn-Nejmar, sulmuesi anglez bomberi, braziliani i rrezikshëm

Herri Kejn – Sulmuesi i Anglisë është golashënuesi më i mirë i turneut, pas fazës së grupeve ndërsa Nejmar ka realizuar vetëm një gol, e kërkoi të dytin me shumë egoizëm kundër Serbisë por nuk e gjeti
Kejn-Nejmar, sulmuesi anglez bomberi, braziliani i rrezikshëm

Harry Kane

Ndoshta vend për bisedime ka shumë, sepse jo me të gjithë mund të jenë të kënaqur, por loja e futbollit është një sport që kërkon shënimin e golave, të qenit i rrezikshëm te kundërshtari, klas në driblim, zemër dhe sakrificë për të vrapuar, por në fund për të ofruar edhe garanci për portën tende.

Dhe në bazë të këtyre karakteristikave, duke u bazuar në të dhënat e FIFAs, në përfundim të fazës në grupe, shifrat nënvizojnë se pesë karakteristikat e sipërpërmendura korrespondojnë me pesë emra që të gjithë i njohin shumë mirë. Herri Kejn – Sulmuesi i Anglisë është golashënuesi më i mirë i turneut, pas fazës së grupeve. Gjiganti i Totenhemit ka realizuar pesë gola, për të cilët nuk i është nevojitur ndeshja e tretë kundër Belgjikës, por i ka realizuar në 180 minutat e para, konkretisht kundër Tunizisë (2 gola) dhe Panamasë (tripletë). Prandaj, Ronaldo dhe Lukaku (4 gola) janë të paralajmëruar.

Nejmar ka realizuar vetëm një gol, e kërkoi të dytin me shumë egoizëm kundër Serbisë por nuk e gjeti, ndonëse pas tri ndeshjeve të para, sulmuesi brazilian meriton çmimin e “lojtarit më të rrezikshëm” për rivalët, duke qenë se ai ka krijuar 11 raste për gol, duke llogaritur brenda kësaj shifre edhe asistet për shokët e tij. Prandaj, për të gjithë kundërshtarët Nejmar është një nga ata që duhen mbajtur nën kujdes.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

26 Dhjetor, 22:31