POP 5

Lajmet më të lexuara të 5 minutave të fundit

Kronikë

Këlcyrë/ Çmontohet grupi i plaçkitjes së banesave, 2 të arrestuar, një prej tyre i mitur! Shtëpia e braktisur u kthye në bazë ku mbaheshin armatimet dhe sendet e vjedhura (VIDEO)

Operacioni është koduar “Mazhan” dhe në pranga ranë 2 persona të dyshuar, mes të cilëve edhe një i mitur, teksa hetohet edhe për bashkëpunëtorë të tjerë. Sendet e vjedhura shiteshin në tregun e zi. Ja çfarë u sekuestrua nga Policia, krimi i fundit më 18 mars

Këlcyrë- Policia e Gjirokastrës ka goditur një grup hajdutësh, që ishin kthyer në shqetësim për banorët e zonës së Këlcyrës.

Operacioni është koduar “Mazhan” dhe në pranga ranë 2 persona të dyshuar, mes të cilëve edhe një i mitur, teksa hetohet edhe për bashkëpunëtorë të tjerë.

Gjatë ndërhyrjes u sekuestruan edhe një armë dhe sende të vjedhura. Krimet bëheshin pasi studiohej zona, banesa shënjestër që do sulmohej dhe me anë të thyerjeve të dyerve apo dritareve.

Denoncimi i fundit është bërë nga  qytetari B. M., më datë 18 mars, për bastisjen e banesës së tij, ku ishin vjedhur materiale të ndryshme.

“Nga veprimet e shpejta hetimore dhe procedurale të kryera nga Stacioni i Policisë Këlcyrë, në bashkëpunim me Komisariatin e Policisë Ersekë, në kuadër të operacionit policor të koduar "Mazhan", u bë  identifikimi, kapja dhe arrestimi i autorëve të dyshuar të vjedhjes, konkretisht shtetasit: J. B., 22 vjeç banues në Ersekë dhe një 16-vjeçar, banues në Këlcyrë”, tha policia vendore.

Baza e grupit ishte një banesë e vjetër në fshatin Maxhan, nga dhe ku mori emrin operacioni. Aty autorët mbanin të fshehura materialet e vjedhura dhe armatimet. Një pjesë e sendeve të vjedhura ishin shitur.

“Gjithashtu, shërbimet e Policisë kanë sekuestruar në cilësinë e provës materiale pajisjet dhe mjetet e vjedhura, të cilat këta shtetas i kishin shitur”. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Preç Zogaj: Koha nuk u ka dhënë të drejtë për asgjë deri tani

Preç Zogaj: Koha nuk u ka dhënë të drejtë për asgjë deri tani

22 Mars, 21:38 nga Preç Zogaj