POP 5

Lajmet më të lexuara të 5 minutave të fundit

Sport

'Kemi bërë dy afrime', Elton Marini projekton Partizanin: Nuk largojmë asnjë futbollist pa shumën e duhur

Drejtori sportiv i Partizanit, Elton Marini ka folur para mediave. Nesër në 16:00 Partizani luan me Vllazninë për javën e 16-të të Superligës.

'Kemi bërë dy afrime', Elton Marini projekton Partizanin: Nuk largojmë asnjë futbollist pa shumën e duhur

Elton Marini, majtas

Drejtori sportiv i Partizanit, Elton Marini ka folur para mediave. Nesër në 16:00 Partizani luan me Vllazninë për javën e 16-të të Superligës, me Marinin që ka treguar gjendjen e ekipit në merkaton hyrëse dhe dalëse. Sipas tij, Partizani nuk do largojë asnjë futbollist pa shumën e duhur.

"Prezenca ime sot këtu përpara jush ishte një lloj obligimi për mediat që për disa pyetje që i përkasin merkatos të mos jap përgjigje trajneri, por unë që jam edhe personi përgjegjës për merkaton. Përsa i përket çështjes Skuka mendoj që ne e kemi sqaruar edhe përpara se të mbyllej viti që sapo lamë pas. Kemi vendosur si staf që Partizani nuk do të ketë dalje në merkato. E vetmja mënyrë që të ketë dalje në merkato është që të na ofrohen shifra të "çmendura" dhe nëse dikush bën çmënduri do të respektojmë dëshirën e lojtarit, pasi jo të gjitha tregjet mund të marrin një "po" nga lojtarët. Gjithashtu është presidenti ai që vendos, por e ripërsëris në mbledhjen e fundit që kemi zhvilluar si staf për çështjet e merkatos në dalje duke qenë se ne jemi në luftë për një objektiv madhor që është shumë i rëndësishëm për ne në këtë sezon", tha Elton Marini.

Marini tregon se Partizani ka bërë dy afrime të reja që do zyrtarizohen së shpejti, ndërsa janë larguar Romero dhe Cvetanovski.

"Keni marrë oferta të tilla? Në ofertat që kemi marr në anë verbale nuk ka patur asnjë shifër të "çmendur". Kështu që po flasim për shifra normale të cilat Partizani nuk do t'i marrë në konsideratë. Po në hyrje çfarë prisni? Ne jemi mundur që të ballancojmë dy daljet me dy prurje të reja. Na është larguar Cvetanoski dhe Romero, i kemi zëvendësuar të dy këta lojtarë shumë shpejt do të bëhen zyrtarizimet e tyre. Përveç këtyre dy afrimeve nuk besoj se do të kemi të tjera. Kemi biseduar me trajnerin dhe jemi të kënaqur me grupin aktual që kemi . Të gjithë lojtarët kanë vlerësimin tonë maksimal. Mos harroni që ne i kemi dhënë një vizion të ri edhe elementëve me moshë të re. Po punojmë shumë që të vlerësojmë edhe lojtarët e Akademisë kështu që kemi produktin tonë, kemi edhe njerëzit që u kemi dhënë besim. Jemi në pozita në të cilat nuk kemi nevojë për të hyrë shumë në treg", vijoi Marini.

Në lidhje me dy shkodranët Balaj dhe Çinari, Marini tregon se nuk ka pasur kërkesa për ta. Regi Lushkjas, një prej objektivave të Partizanit, Marini i uron fat pas nënshkrimit te Tirana.

"Balaj dhe Çinari? Në tavolinën time nuk ka ardhur as Bekim Bala as lojtar të tjerë që përfliten në media. Regi Lushkja ka ardhur në tavolinën tuaj? Regi Lushkjës i urojmë suksese që ka nënshkruar me Tiranën", përfundoi Elton Marini.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29