'Kemi ekip të fortë', Elsi Hysaj: Mos nxitohemi, ndeshja luhet 90 minuta

Nesër në 20:45 Kombëtarja shqiptare e futbollit luan me Moldavinë në "Air Albania", sfidë që vlen për grupin E të Euro 2024. Kapiteni Elseid Hysaj foli para ndeshjes, duke thënë se kemi një ekip të fortë.

“Strategjia për të zgjidhur sa më shpejt ndeshjen? Moldavia ka një skuadër të mirë, ata kanë treguar se kanë kualitet. Nuk duhet të nxitohemi, ndeshja zgjat 90 minuta. Të jemi të qetë në fushë, të bëjmë gjërat që kemi përgatitur. Roli? E di që jam më mirë djathtas, e kam më të thjeshtë të luaj me këmbën e djathtë. Më ka ecur mirë edhe majtas, mund ta bëj, pasi ashtu do trajneri. Por ndihem më mirë djathtas", tha Hysaj fillimisht.

LEXO EDHE:
Euro 2024/ Tjetër mundësi për tifozët e Kombëtares, UEFA nxjerr në shitje të tjera bileta këtë të enjte

Më pas shkodrani foli edhe për trajnerin Sylvinho dhe mentalitetin në ekip, teksa nuk e fshehu dëshirën për një kualifikim.

"Çfarë ka ndryshuar në mentalitet? Nuk ka ndeshje të lehta. E kemi pësuar më parë nga ndeshje të tilla, e dinë të gjithë se nuk ka ndeshje të lehta. Duhet të jemi të përqendruar. Të futemi në fushë me bindjen që jemi lojtarë të mirë dhe që mund të luajmë bukur. Të mos ndikohemi nga nxitimi për të fituar. Pritshmëritë janë të larta, edhe unë dua të kualifikohemi dhe të shkojmë në Euro 2024. Jemi një skuadër kompakte, jemi një grup i fortë. Nëse luajmë si ndaj Polonisë, unë mendoj se do të kemi rezultat të mirë ndaj Moldavisë. Trajneri? Po e kuptojmë më shumë, me kalimin e kohës po mësojmë stilin dhe taktikat që kërkon trajneri”, përfundoi mbrojtësi shkodran i Lazios.

Lajmi kryesor:

Euro 2024/ Nesër ndeshja me Moldavinë, Sylvinho: Armando Sadiku simboli i ekipit, kemi 7 finale! Hysaj: Ndihem më mirë në të djathtë

S.DH/Shqiptarja.com

TAG:
• elseid hysaj
• sylvinho
• fshf
• moldavia
• euro 2024
• Kombetarja shqiptare