POP 5

Lajmet më të lexuara të 5 minutave të fundit

Sport

'Kënaqësi të përballësh me Italinë', trajneri i Spanjës flet për gjysmëfinalen e Europianit! Olmo: Luajnë dy prej kombëtareve më të mira në botë

Trajneri i Spanjës Luis Enrike në prag të gjysmëfinales së kampionatit europian thotë se është kënaqësi të përballet me Italinë. Sipas Enrikes ‘dy kombëtare argëtuese do sfidojnë njëra-tjetrën’, ndërsa sulmuesi iberik Dani Olmo shprehet se të martën do fitojë loja spektakolare.

Gjysmëfinalja e parë e kampionatit Europian po troket dhe protagonistët e Itali-Spanjë kanë nisur të flasin për përballjen që do përsëritet për herë të katërt radhazi në katër Europianët e fundit.

Luis Enrike, trajneri i La Roha-s, ka folur me superlativa për Italinë: “Tani po bëhet gjithnjë e më vështirë, pasi do të takojmë një kundërshtar argëtues. Unë e dua Italinë, sidomos Romën ku kam punuar për një vit. Është kënaqësi të luajmë kundër tyre, por e dimë që janë shumë intensiv.”

Ndërkohë sulmuesi i iberikëve, Dani Olmo, ka shumë besim te Spanja, ndërsa ka vlerësuar maksimalisht edhe kundërshtarin e gjysmëfinales.

“Dy prej ekipeve më të mira në botë do të luajnë kundër tyre. Si Spanja ashtu edhe Italia luajnë futboll sulmues, spektakolar. Përballja do jetë e vështirë, ndërsa detajet do bëjnë diferencën. Nuk e kemi frikë Italinë, por i respektojmë ata,”-u shpreh Olmo.

Për gjysmëfinalen kundër Italisë Spanja me shumë mundësi nuk do ketë në dispozicion Sarabian, ndërsa ka rikuperuar qendërmbrojtësin Laporte. Sfidën në Londër do ta gjykojë gjermani Felix Brych, ndërsa vlen edhe për të theksuar se 14 ndeshjet e fundit kundër njëra-tjetrës Italia ka fituar vetëm dy.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça