POP 5

Lajmet më të lexuara të 5 minutave të fundit

Kultura

Kënga ‘Shko dallëndyshe’ triumfon në festivalin ‘Luleborë’! Edicioni i 8-të dhuron emocione për publikun shkodran

Është mbyllur edicioni i tetë i festivalit shkodran “Luleborë”, teksa triumfuese doli kënga “Shko dallëndyshe" e interpretuar nga këngëtari Gjergj Kaçinari.

Spektatori shkodran ka përjetuar një tjetër mbrëmje të bukur me këngët e festivalit “Luleborë”, në natën finale të edicionit të 8-të të zhvilluar në teatrin “Migjeni”, i mbushur në të gjithë kapacitetin e tij.

Me vargje të Filip Shirokës dhe muzikë të Alfred Kaçinarit, poezia e kthyer në këngë "Shko dallëndyshe" u vlerësua nga juria me çmimin e parë të festivalit "Luleborë". Këngëtari Gjergj Kaçinari, i emocionuar pas fitores tha se ky ishte bashkëpunimi i parë artistik me babai e tij.

“U largum nga tekstet klishe. Ky festival, me këtë emër, duhet të impoonoje sa më shumë motivet e muzikës shkodrane të vjetër. Donim doemos të luanim këtë linjë”, tha fituesi i çmimit të parë, Gjergj Kaçinar.

Çmimi i dytë i festivalit iu dha këngëtarit nga Gjakova Artan Bakija me këngën "Ndjenja e dëshpërimit" ndërsa me çmimin e tretë u vlerësua Laorjan Ejlli me këngën "Gjithë jetën dashuri kërkojmë".

Me çmimin "Simon Gjoni", kompozitorit të Luleborës, juria vlerësoi duetin e Ea Zoga dhe Arseld Muça, me një këngë protestë ndaj luftës.

“Nuk e mendoja se do fitonim ndonjë çmim dhe pse kënga ishte jashtëzakonisht e bukur. Jam lumturuar jashtëzakonisht shumë”, tha Ea Zoga, këngëtare.

“Ajo çka na gëzoi shumë dhe mikpritja e publikut. Shoqërimi me orkestrën kaq profesionale, na rriti shumë artistikisht”, tregoi këngëtari, Arseld Muça,

"Luleborë", festivali i organizuar nga Bashkia Shkodër mbetet një pikë referimi për artistët e qytetit por edhe përtej.

“Janë vlerësuar këngët e mira. Muzika e mira. Është pikë e rëndësishme e këtij festivali që vazhdon të konfirmohet ndër vite”, tha Drejtor Artistik i festivalit, Markelian Kapidani.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Basha tregon si u bë ministër Trasportesh dhe si lindi projekti për rrugën e Kombit

Basha tregon si u bë ministër Trasportesh dhe si lindi projekti për rrugën e Kombit

5 Maj, 18:46