Prej kohësh është aluduar për homoseksualitetin e tij. Por këngëtari i njohur italian Marco Carta e ka pranuar për herë të parë në emisionin e Barbara D`Urso-s se është homoseksual.
Ai u shpreh se ka një partner dhe se nuk dëshiron të fshihet më.
“Për shumë vite nuk kam qenë i lirë sepse nuk mund të shprehja publikisht dashurinë time. Nuk mund të shtrëngoja dorën e tij gjatë një filmi në kinema. Këto janë gjëra që ne i bëjmë që 16-vjeç, por unë nuk i kam bërë, po i bëj tani që jam 33-vjeç dhe do t’i bëj sigurisht. Kjo është rruga ime tani, nuk ka kthim prapa se kjo është lumturia ime. Jam shumë i lumtur dhe ndihem 30 kg më pak. Kam jetuar gjithmonë pa maska, por më trembte reagimi në rrjetet sociale. Shpresoj që bota ta mirëpres me shumë qetësi. Familja ime e dinte dhe nuk më ka pyetur kurrë. I kam prezantuar me partnerët e mi,”- u shpreh Marco Carta.
