POP 5

Lajmet më të lexuara të 5 minutave të fundit

Kronikë

'Keni porositur picë?' Mënyra e re si vidhen banesat në Tiranë

Një mënyrë e re për të vjedhur shtëpitë është regjistruar në Tiranë. Një person është arrestuar dhe policia ka zbardhur komplet skemën përmes picierëve të rremë. Denoncuesi nga Tirana është personi që ra pre e vjedhjes së sofistikuar, kur një djalë i ri e pyeti pas derës a keni porositur picë?

Pasi kanë trokitur në derë dhe kanë pritur tu hapet, një zë është dëgjuar nga jashtë. A keni porositur pica? Kur i zoti i shtëpisë ka dalë për tu treguar se kishin ngatërruar adresë, grabitësit e sulmuan. Përveç të riut që mbante picën në dorë, dy të tjerë iu bashkuan.

Ngjarja ka ndodhur rreth mesnatës në zonën e komisariatit numër 3. Viktima e autorëve të grabitjes ka mundur t'u shpëtojë nga duart dhe të futet me shpejtësi brenda. Në sheshpushimin e pallatit, tre picierët e rremë hodhën kutinë e picës, e cila më pas u sekuestrua nga policia. Hetimi zbuloi se kutia mbante logon e një picerie me seli në Babrru.

Një muaj nga kjo ngjarje policia ka arrestuar një nga autorët e dyshuar të saj dhe janë shpallur në kërkim dy të tjerë. Report TV mëson se identifikimi i tyre është bërë nga shenjat e gishtave që kishin lënë mbi kutinë e picës. Përmes kësaj forme të re, grabitësit në çdo kohë sofistikojnë metodat për bastisjen e shtëpive. Tashmë, të kamufluar si dërgues të picave, ata mund të lëvizin edhe në orë policore, për të kryer aktivitetin e tyre.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16