Kërcënohet Albin Kurti, forca të shtuara të sigurisë rrethojnë shtëpinë e kryeministrit! Momenti kur mbërrin i rrethuar nga policia

Kryeministri Albin Kurti është kërcënuar dhe si masë e kujdesit forca të sigurisë janë shtuar pranë shtëpisë së tij. Kështu ka bërë të ditur zëdhënësi i Qeverisë së Kosovës, Përparim Kryeziu.

“Kryeministri Kurti është kërcënuar. Për këtë arsye, si masë e kujdesit të shtuar, është rritur edhe niveli i tij i sigurisë”, tha Kryeziu për Telegrafin.

Ai shtoi tutje se “Institucionet e hetuesisë dhe sigurisë tashmë janë duke bërë punën e tyre”. Kryeziu tha se kryeministri vazhdon angazhimin e tij të rregullt.

“Ato bëjnë vlerësimet e nevojshme dhe ndërmarrin masat përkatëse. Në anën tjetër, kryeministri vazhdon angazhimin e tij të rregullt”, tha Kryeziu.

Nuk është bërë e ditur për çfarë kërcënimi bëhet fjalë, e as kush e ka kërcënuar kryeministrin.

Shtëpia e kryeminsitrit Kurti

Rendit zhvillimet sipas orarit:
Ora 11:19
Kurti flet për kërcënimin: Nuk ndihem i rrezikuar

 

Kryeministri i Kosovës Albin Kurti, ka folur në lidhje me kërcënimet e bëra ndaj tij. Kurti deklaron se nuk ndihet i rrezikuar.

Më tej, ai shprehet se janë organet e sigurisë që i vlerësojnë kërcënimet dhe ndërmarrin veprime të caktuara.

 “Së pari nuk ndjehem i rrezikuar, mirëpo janë organet e sigurisë ato që i vlerësojnë kërcënimet dhe i ndërmarrin veprimet në përputhje me rrethanat e caktuara.”- tha Kurti,

Kryeministri i Kosovës bëri me dije se nuk e ka ndryshuar agjendën për shkak të kërcënimeve.

“Unë as dje as sot nuk e kam ndryshuar agjendën time”, ka thënë Kurti.

Lajmin për kërcënimin e Kurtit, e konfirmoi mbrëmë zëdhënësi i Qeverisë, Përparim Kryeziu.

“Kryeministri Kurti është kërcënuar. Për këtë arsye, si masë e kujdesit të shtuar, është rritur edhe niveli i tij i sigurisë”, tha Kryeziu.

Ora 22:28
Pas kërcënimeve, ky është momenti kur kryeministri Kurti kthehet në shtëpi nën masa të rrepta sigurie

 

Pas lajmit nga zëdhënësi i tij se Albin Kurti është kërcënuar, kanë dalë edhe pamjet kur kryeministri kthehet në shtëpinë e tij nën masa të rrepta sigurie. Ende nuk bëhet me dije detaje për natyrën e kërcënimit të kreut të qeverisë në Kosovë, por forca të shtuara të sigurisë u panë në shtëpinë e Kurtit.

 

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

Rama në SHBA, pritet në mjediset e organizatës 'Automation Alley' : Janë të interesuar për investime në Shqipëri