Kërkoi rigjykim, Kushtetuesja lë
“Burg përjetë” për Marjan Rrokun

Kërkoi rigjykim, Kushtetuesja lë<br />“Burg përjetë” për Marjan Rrokun
Ish agjenti i shish që 15 vite më parë vrau me armën e shërbimit Alda Canaj studentet 20-vjeçare dhe mamanë e saj Mbarime Canaj humb betejën ligjore për tu liruar nga burgu dhe të drejtën që procesi gjyqësorë ndaj tij të zhvillohet nga e para.

Gjykata kushtetuese ka refuzuar të pranojë kërkesën e ish agjentit të shish Marjan Rroku duke lënë në fuqi dënimin me burg përjetë ndaj tij, dënim ky i dhënë për krimin ndaj Aldës dhe nënës së saj, të cilat u vranë më 17 shkurt 2001.

ReportTv ka mësuar ekskluzivisht nga burime pranë gjykatës kushtetuese se vendimi është marrë më 30 mars 2016 dhe ky vendim mban nr 47.

Por si u rikthye historia e ish agjentit të shërbimit informative shtetëror i cili prej më shumë se një dekadë nga krimi makabër u fsheh në Shtetet e Bashkuara të Amerikës nga ku u ekstradua.

Më 9 shkurt 2016 Rroku ju drejtua gjykatës kushtetuese ku kërkon rihapjen e procesit gjyqësorë nda tij, proces i cili kish kaluar të gjitha fazat e gjykimit dhe 2 Majit 2002 ndaj tij rëndonte dënimi me burg përjetë.

Por dhe pse i dënuar me burg përjetë sapo u ekstradua nga Amerika Rroku nuk ndali betejën ligjore dhe trokiti fillimisht në gjykatën e lartë duke kërkuar rekurs për dënimin ndaj tij.

Me vendim të datës 16 korrik 2015 ndaj Rrokut u la në fuqi dënimi burg përjetë dhe ai u vendos në një burg të sigurisë së lartë.

Por nga ky burg historia e tij u rihap pasi në emisionin e moderatorit Ardit Gjerbrea në televizionin kombëtar Klan Rroku u shfaq pas shumë e shumë vitesh këtë herë i përlotur për çfarë kish bërë duke rihapur dhimbjen e familjes Cani.

Ai deklaronte në intervistë se Aldën e dashuronte por krejt e kundërta u tha nga motra e Aldës, Ornela e cila ishte personi që bëri çmos që Rroku të gjendej në Amerikë ku fshihej me identitetin Toni.

Kjo intervistë u transmetua si diçka normale por fakti se ajo u dha 18 ditë pasi Rroku kish depozituar në Kushtetuese një kërkesë bëri që mbi të hidhen hije dyshimi.

Ishte babai i Alda Canit i cili paditi në gjykatë Ardit Gjebrean dhe Tv Kombëtar Klan për transmetimin e intervistës së Marjan Rrokut.

Më 25 Prill Faslli Canaj trokiti në gjykatën e Tiranës me një padi civile me objekt Fyerjen ku të paditur janë “ Drejtuesi i emisionit "E Diela Shqiptare", Z. Ardit Gjebrea , Televizioni Klan.

Pas shortit ky proces gjykohet nga gjyqtari Martin Deda dhe më 26 Maj 2015 pritet seanca e parë.

Faslli Canaj në padinë e tij pretendon se dikush ka paguar para për realizimin e kësaj intervistë e cila deformoi faktet e një krimi që ka lënë pasoja në familjen Canaj.

Redaksia Online
(F.T/shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit! Arrestohet autori

Atentat avokatit në Memaliaj, i shpëton breshërisë së kallashnikovit! Arrestohet autori