POP 5

Lajmet më të lexuara të 5 minutave të fundit

Ekonomi

“Kërkojmë punonjës” edhe më shumë në 2025-n, raporti i BSH: S’ka punëtorë por as rritje pagash! Ngadalësim në fund të 2024-s

Mungesa e punonjësve do të jetë edhe më shumë problem për bizneset gjatë këtij viti. Këto janë sinjalet që vijnë nga tregu i punës sipas Bankës së Shqipërisë e cila në raportin e Politikës Monetare evidenton faktin që as pagat nuk po rriten. Banka vlerëson se viti 2024 është mbyllur me ngadalësim të rritjes së rrogave për punonjësit.

“Kërkojmë punonjës”, si njoftim në dyert apo xhamat e bizneseve do ta shoqërojë edhe më shumë vitin 2025. Ky është paralajmërimi i bërë nga Banka e Shqipërisë, e cila thotë se problemi i mungesës së punonjësve po thellohet. Në raportin e Politikës Monetare për tremujorin e parë të këtij viti thuhet se sinjalet nga tregu tregojnë një shtrëngim të mëtejshëm të fuqisë punëtore të disponueshme, por nga ana tjetër edhe pse s’ka punonjës nuk ka as rritje të pagave.

“Rritja e ngadaltë e punësimit gjatë tremujorit të tretë të vitit 2024, sipas të dhënave administrative, është shoqëruar nga nivele të larta të faktorit “mungesë e forcës së punës” gjatë gjithë vitit. Gjithashtu, treguesit e vrojtimeve dëshmojnë për pritje më të ulëta të bizneseve për punësimin dhe për papunësi më të lartë nga konsumatorët, gjatë tremujorit të katërt”, thuhet në raport.

Banka e Shqipërisë thotë se gjatë fundit të vitit 2024 rritja e pagave është ngadalësuar, sidomos në sektorët e informacionit dhe komunikacionit, aktivitetet financiare apo në fushën e pasurive të paluajtshme.

“Rritja e pagës reale paraqitet gjithashtu e ngadalësuar në 3.4%, nga 4.8% që rezultoi në tremujorin e dytë”, thotë Banka e Shqipërisë.

Nga zanatet e vjetra e deri tek profesionet e reja, kryesisht në teknologji, aktualisht janë 5600 vende të lira pune, për punëtor krahu, magazinier, ekonomist, bojaxhi, mjekë, punonjës në hotele e deri tek profesionistët të teknologjisë së informacionit.

Për t’ju përgjigjur nevojave të tregut me profesionistë qeveria synon që të fuqizojë edhe më shumë arsimin profesional me synim që ‘ata që dalin nga arsimi të jenë ato që kërkon tregu’. Në programin e Reformave Ekonomike 2025-2027 thuhet se arsimi Profesional, do të ketë vëmendje të shtuar nga qeveria, ku do të investohet në infrastrukturë të avancuar, laboratorë inteligjentë, do të ndryshojnë kurrikulat mësimore për t’ju përshtatur zhvillimeve teknologjike e ekonomike përtej lëndëve tradicionale.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledina: 14/02/2025 19:03

    S'ka punetore? Duroni deri me 11 maj, kur Sali Berisha, iniciatori i futjes se Albanistanit ne Lidhjen Arabe, me ndihmen e avokatit te Trump-it, do te marre pushtetin dhe ne ketu do te vine te punesohen 100 mije palestineze.

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

 Sondazhi III 'Piepoli & Report Tv/ Kush po intimidon më shumë gjykatësit e SPAK? 50 % e shqiptarëve thonë Berisha e PD, pas vjen PS!  Të vegjlit? Zero! 

 Sondazhi III 'Piepoli & Report Tv/ Kush po intimidon më shumë gjykatësit e SPAK? 50 % e shqiptarëve thonë Berisha e PD, pas vjen PS!  Të vegjlit? Zero! 

27 Mars, 22:51