'Kërkojmë të drejtat tona! Jemi pa bukë', qytetarët bllokojnë rrugën Lezhë-Shëngjin, tension me policinë

Qytetarët bllokuan për 20 minuta aksin nacional Lezhë-Laç në vendin e njohur si kryqëzimi i Shënkollit. Policia ndërhyri për zhbllokimin e rrugës, ku u shënua dhe përplasja me protestuesit. Protestuesit thërrasin: Hiqi duart mos më prek po kërkojmë të drejtat tona! Jemi pa bukë!", dëgjohet një protestues. 

"Ne kemi dalë në protestë për bukën e gojës. Jemi në hall për thesin e miellit, makinat po i lëmë e po ecim në këmbë, ne paguajmë taksat dhe smarrim asgjë nga shtetit. Kemi mbjell tokat dhe nuk i hedhim dot pleh, një thes pleh kimik kushton 130 mijë lek. Protestat do vazhdojnë se s'kemi bukë, populli po mbaron", tha një protestues. 

LEXO EDHE:
Dhunë në Këshillin Bashkiak të Tiranës, Tedi Blushi godet me grusht Halit Valterin, i hedh dosjen me letra Veliajt, shoqërohet në polici! Kryebashkiaku: Rrugaçi i fundit i Metës (VIDEO)

"Unë kam dalë si fermer në protestë paqësore, për çmimin e lartë të karburantit, të pesticideve të çmimeve të ushqimeve që është bërë gangrenë. Si ka mundësi që të rritet çmimi i naftës disa here brenda ditës kur ata e kanë naftën në depozita. Të rinjtë kanë emigruar, këtu ka ngelur të moshuarit. Ne do të vazhdojmë derisa të vdesim në asfalt", shprehet një tjetër. 

"Kemi dalë se nafta ka arritur në stratosfere, Shqipëria nuk është në luftë, lufta është në Ukrainë, edhe atje nafta është më e lirë. Ne do të vazhdojmë derisa të ulet çmimi i naftës si në Maqedoninë e Veriut, ne nuk i ndalim protestat", tha njëri prej protestuesve. 

 

Një grup protestuesish u mblodhën në hyrje të rrugës së Arbrit, në bashkinë e Klosit duke kërkuar për të tretën ditë radhazi uljen e çmimit të naftës. Protesta u mbyll pa incidente. 

Lajmi kryesor:

Rritja e çmimeve/ Mbyllet pas më shumë se 3 orësh protesta e qytetarëve në Tiranë: Boll na vodhët! Nesër sërish në shesh! Rama: Pakicë e çartur! Gati plani anti-krizë (VIDEO)

B.K./Shqiptarja.com

TAG:
• Lezhe