POP 5

Lajmet më të lexuara të 5 minutave të fundit

Kronikë

Çelet seanca për kërkesën e Saimir Tahirit për uljen e dënimit në Gjykatën e Elbasanit! Shtyhet për më 23 mars! Prokurorët kërkojnë kohë

Seanca u zhvillua në Gjykata e Elbasanit, e cila ka nën juridiksion burgun e Lushnjës, ku Tahiri po vuan dënimin me tre vite e katër muaj burg

Çelet seanca për kërkesën e Saimir Tahirit për uljen e dënimit në Gjykatën e Elbasanit! Shtyhet për më 23 mars! Prokurorët kërkojnë kohë

Saimir Tahiri

ELBASAN- Ish-ministri i Brendshëm Saimir Tahiri, i cili po vuan dënimin në burgun e Lushnjës ka kërkuar “Llogaritjen e vuajtjes së dënimit”, ndërsa sot është çelur seanca. Ish-ministri i Brendshëm pretendon se ka shlyer një pjesë të dënimit të dhënë më 19 shtator të 2019.

Seanca u zhvillua në Gjykata e Elbasanit, e cila ka nën juridiksion burgun e Lushnjës, ku Tahiri po vuan dënimin me tre vite e katër muaj burg.

Seanca u shty pasi prokurori i çështjes kërkoi kohë për t’u njohur me aktet voluminozë të dosjes. Gjykata pranoi kërkesën e prokurorit edhe me dakordësi të palëve dhe caktoi datën 20 mars për seancën e radhës.

Në seancë mori pjesë vetëm avokati i tij, Maksim Haxhia. Ai i kërkon gjykatës të njohë kohën, kur ka qenë në shërbim prove. Nëse kjo kërkesë pranohet nga gjykata, Saimir Tahirit do t’i ulet dënimi me 1 vit e 6 muaj.

Më 4 shkurt të vitit 2022, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’. Por me gjykim të shkurtuar dënimi u ul në 3 vite e 4 muaj burgim. Tahiri u dënua vetëm për "Shpërdorim detyre" duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal".

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43