Lajmi bëhet i ditur nga mediat kosovare sipas të cilave në letrën e dërguar, Kerry e falënderon Ministrin Hoxhaj për shprehjen e solidaritetit dhe mbështetjes me rastin e përkujtimit të viktimave të sulmeve terroriste në Shtetet e Bashkuara, më 11 shtator 2001.
Sekretari Kerry thekson se “trembëdhjetë vjetori i sulmeve, na përkujton se lufta jonë e përbashkët për t’i dhënë fund terrorizmit mbetet një prioritet i ngutshëm”, dhe se kjo dëshmohet nga kërcënimi shumë real që Shteti Islamik i Irakut dhe Levantit ( ISIL) përbën për të gjithë komunitetin ndërkombëtar, njofton MPJ.
“Presidenti Obama dhe unë për këtë arsye kemi bërë thirrje për një koalicion global për ta degraduar dhe përfundimisht shkatërruar ISIL-in përmes një strategjie gjithëpërfshirëse dhe të qëndrueshme kundër terrorizmit. Ne e mirëpresim kontributin e Kosovës në këtë përpjekje duke përfshirë arrestimin e luftëtarëve të huaj dhe përkrahësve të tyre dhe luftimin e ekstremizmit të dhunshëm”, shkruan Sekretari Kerry, duke shprehur besimin në vazhdimin e përpjekjeve të përbashkëta për të adresuar sfidat rajonale dhe globale me të cilat përballen bashkërisht dy shtetet.
Redaksia Online
(e.c/shqiptarja.com)
![](https://www.shqiptarja.com/template/img/sh_logo1.png)