Këshilltari i Zelensky-t: Po përgatitemi për një kundër-ofensivë që do të fillojë pas 2 muajve

Forcat e Armatosura të Ukrainës (AFU) po përgatiten për një kundërofensivë, e cila do të fillojë pas rreth dy muajsh. Kështu u shpreh Mykhailo Podolyak, këshilltar i kreut të zyrës presidenciale.

 “Nuk jemi me nxitim, do të riorganizohemi gjatë dy muajve të ardhshëm. Ne do të lodhim rusët në Bakhmut dhe më pas do të fokusohemi diku tjetër”, tha Podolyak në një intervistë të botuar sot nga gazeta italiane La Stampa.

LEXO EDHE:
Sulm me dron në portin rus, raportohet për viktima dhe të plagosur

Ai shtoi se Rusia ka përqendruar shumicën e personelit të saj të trajnuar ushtarak në Bakhmut, së bashku me kompanitë ushtarake private më të gatshme për luftim.

Si e tillë, Ukraina po synon dy qëllime kryesore në mbrojtjen e Bakhmutit: të fitojë kohë për të rimbushur forcat e saj dhe t'i shkaktojë humbje të mëdha ushtrisë ruse. Ai tha se vendimi për ta bërë mbrojtjen e një zone kyçe detyrë prioritare ishte një strategji e përbashkët e zhvilluar nga krerët ushtarakë të vendit me miratimin e Presidentit të Ukrainës.

Lajmi kryesor:

Lufta/ Ukraina: Jemi në telashe kundër raketave Kinzhal! Bllokohet mbrojtja e aeroportit të Kievit: Arrestohen shefat e Antov

B.V/Shqiptarja.com

TAG:
• lufta ne ukraine
• rusia sulmon ukrainen