POP 5

Lajmet më të lexuara të 5 minutave të fundit

Politikë

Këtë javë raundi i dytë i bisedimeve në PD! Mbështetësit e Alibeajt nuk janë dakord me ‘primaret’ e Berishës

Ndonëse ende nuk ka një datë, këtë javë negociatorët demokratë Edi Paloka dhe Gazment Bardhi pritet të ulen sërish për bisedimet për daljen me një kandidat. Pika e vetme që duket se i ndan janë primaret, por pavarësisht optimizmit për daljen me 1 kandidat, takimet po zhvillohen të ndara në terren.

Përgjatë javës së ardhshme, demokratët e dy palëve pritet të ulen sërish në tryezën e bisedimeve. Ndonëse parimisht ata janë dakord për daljen me një kandidat në zgjedhje, rruga sesi duhet të përzgjidhet kandidati për kryetar bashkie i ndan palët, e ky duket të jetë ngërcci më i madh në bisedimet Paloka-Bardhi.

Report Tv ka mësuar se të radhës që kanë shprehur rezerva për primaret e nisura nga Sali Berisha, janë ish-drejtuesit e degëve në PD, të cilët këtë të premte zhvilluan një takim me Enkelejd Alibeajn, negociatorin Bardhi dhe deputetin Flamur Hoxha për t’i informuar për bisedimet që ai zhvilloi në fillim të javës me grupimin e Rithemelimit. 

Ashtu sikurse kanë pohuar burimet nga brenda mbledhjes, disa prej ish drejtuesve të strukturave nuk janë dakord me faktin që Sali Berisha i ka bërë fakt të kryer primaret, duke e nisur procesin pa përfaqësues të palës së Alibeajt.

Nga ana tjetër, Sali Berisha shtyu me 10 ditë afatin e përcaktuar nga primaret, si kohë për të gjetur konsensusin me grupin e përfaqësuar nga Enkelejd Alibeaj. Ai do të nisë me Tiranën, Durrësin e Elbasanin, për t’i përfunduar më 4 dhjetor.

/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23