KFOR: Vazot në urën e
Mitrovicës, të motivuara politikisht
Forcat paqeruajtëse të NATO-s në Kosovë e cilësuan veprim politikisht të motivuar bllokimin e urës kryesore mbi lumin Ibër në Mitrovicë me vazo ku janë mbjellë drunj dekorativ nga ana e pjesëtarëve të komunitetit serb.
Forcat paqeruajtëse të NATO-s në Kosovë e cilësuan veprim politikisht të motivuar bllokimin e urës kryesore mbi lumin Ibër në Mitrovicë me vazo ku janë mbjellë drunj dekorativ nga ana e pjesëtarëve të komunitetit serb.
Grupe qytetarësh serbë në veriun e Mitrovicës, larguan të mërkurën në orët e mëngjesit një barrikadë prej dheu e betoni të vendosur tri vjet më parë në urën qendrore mbi lumin Ibër, që shënon edhe vijën ndarëse të këtij qyteti në veriun e banuar me shumicë serbe dhe jugun me shumicë shqiptare. Por pak orë më vonë në të njëjtin vend vendosën vazo betoni ku janë mbjellë drunj dekorativ.
Në një njoftim të këtyre forcave thuhet se KFOR-i mirëpret vendimin për heqjen e barrikadës. Ngritja e parkut e pengon lirinë e lëvizjes me automjete, por ka rrugë alternative dhe ura të tjera në Mitrovicë. Dëshira për të mbajtur urën ende të mbyllur për makina me anë të një kopshti është veprim shumë simbolik dhe politikisht i motivuar, thuhet në deklaratën e KFOR-it, zyrtarët e të cilit thanë se megjithatë zhvillimet e së mërkurës janë një hap pozitiv përpara që do të mund të mbështesë pajtimin.
Barrikada mbi urën kryesore ishte më e madhja e barrikadave që u ngritën në korrik të vitit 2011 në shenjë kundërshtimi ndaj ndërhyrjes së forcave të posaçme të policisë së Kosovës për të vënë nën kontroll vendkalimet kufitare ndërmjet Kosovës dhe Serbisë në veri. Një pjesëtar i policisë së Kosovës qe vrarë në një pritë më 26 korrik të vitit 2011, ndërsa trazirat e dhunshme përfshinë veriun që nuk pajtohet me vendosjen e autoritetit të Prishtinës në zonë.
Serbia vazhdon të kundërshtojë pavarësinë e Kosovës por është angazhuar në bisedime për normalizimin e marrëdhënieve ndërmjet Kosovës dhe Serbisë me ndërmjetësimin e Bashkimit Evropian. Angazhimi në këto bisedime i siguroi Serbisë hapjen e bisedimeve për anëtarësim në Bashkimin Evropian. Gjatë këtij muaji, Bashkimi Evropian do të vlerësojë përmbushjen e kritereve të përcaktuara për Serbinë në kuadër të bisedimeve për anëtarësim, me theks të posaçëm në kapitullin që ka të bëjë me Kosovën, përkatësisht me zbatimin në terren të marrëveshjeve.
Redaksia Online
(g.f/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
30%
-
Njësoj
16.5%
-
Më keq
53.5%
Vota total: 5692
Votat totale janë unike
Lajme të tjera
-
Rita Ora s'i lë vend imagjinatës, ‘provokon’ me foton e pushimeve në Ibiza
2 Gusht, 14:12
-
E rëndë në Prishtinë, 41-vjeçarja ndërron jetë pas dhunës nga bashkëshorti! Qëndroi 3 ditë në koma
2 Gusht, 13:59
-
'Skandal diplomatik', BDI kërkon përgjegjësi politike për incidentin në aeroport me presidenten Vjosa Osmani
2 Gusht, 13:48
-
Çudira nga Olimpiada, Federata e Atletikës harron të regjistrojë atleten e 100 metrave
2 Gusht, 13:45
-
Ekstradohet nga Belgjika Leonard Duka, miku që u bë armiku i betuar i Ervis Martinajt! Akuzohet si një nga autorët e vrasjes së Santiago Malkos
2 Gusht, 13:38
-
Turqia bllokon Instagramin, por s’tregon arsyen
2 Gusht, 13:27
-
Spiunët e 'fjetur', miliarderi rus, miku i Putinit dhe zgjedhjet e Bidenit! Skenari i fshehtë i SHBA - Rusi për shkëmbimin e të burgosurve
2 Gusht, 13:26
-
Cili Bardh gënjen? Ai që akuzon Nokën si të lidhur me një trafikant droge, apo ai që akuzon sot prokurorët e SPAK?
2 Gusht, 13:09
-
Rritet numri i udhëtarëve në Portin e Vlorës! Të rinjtë italianë nga Kalabria për pushime në Sarandë
2 Gusht, 12:59
-
Paris 2024/ 'Nuk kam frikë të ndeshem', flet kundërshtarja e ardhshme e boksieres algjeriane që shkaktoi debate në Olimpiadë
2 Gusht, 12:56
-
Mero Baze: Presidenti po kërkon përgjegjshmëri për viktimat e mikrokredive
2 Gusht, 12:43
-
Paris 2024/ Panik në Lojërat Olimpike, notarja rrëzohet në pishinë! Dërgohet me urgjencë në spital
2 Gusht, 12:41