POP 5

Lajmet më të lexuara të 5 minutave të fundit

Kosova & Rajoni

Sot nis verifikimi i listave të kandidatëve për deputetë në Kosovë

Këshilli Gjyqësor i Kosovës nga sot e deri më 20 janar do t’i verifikojë listat e partive politike që potencialisht mund të kenë kandidatë me dënime të formës së prerë, në tri vitet e fundit.

Këshilli Gjyqësor i Kosovës nga sot e deri më 20 janar do t’i verifikojë listat e partive politike që potencialisht mund të kenë kandidatë me dënime të formës së prerë, në tri vitet e fundit.

Në rast se KGJK-ja gjen se persona që kanë kandiduar për deputetë kanë dënime, Komisioni Qendror Zgjedhor duhet t’ua refuzojë certifikimin për pjesëmarrje në zgjedhjet e 14 shkurtit.

Në listat e kandidatëve për deputetë të partive politike për zgjedhjet e 14 shkurtit, janë përfshirë disa persona të dënuar me aktgjykim të formës së prerë në tre vjetët e fundit. Albin Kurti dhe Albulena Haxhiu nga Lëvizja Vetëvendosje janë të dënuar me kusht që nga shtatori i 2018-s për shkak të hedhjes së gazit lotsjellës në seancë të Kuvendit.

Milan Aritonoviç nga Lista Serbe është i dënuar me 500 euro gjobë nga gjykata për raportim të rremë të pasurisë si dhe kandidati i Nismës, Besnik Berisha, ish-udhëheqës i Divizionit të Prodhimit të Dokumenteve në Ministrinë e Punëve të Brendshme, i cili ishte dënuar me 6 muaj burgim me kusht për “zbulim të fshehtësisë zyrtare” në mars të 2018-s

Kjo procedurë është tejet e rëndësishme duke marrë parasysh faktin se qeveria Hoti ra pikërisht nga fakti se paligjshmëria e votës së deputetit Etem Arifi, u bë shkak për rënien e qeverisë Hoti.

Pas certefikimit të kandidavë, me 3 shkurt pritet edhe fillimi  zyrtarisht i fushatës zgjedhore për zgjedhjet e parakohshme të 14 Shkurtit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55