Khamenei rikonfirmon ”linjat e kuqe” të Iranit në negociatat bërthamore

/ATSH-AFP/ - Lideri suprem, ajatollahu iranian Ali Khamenei rikonfirmoi "linjat e kuqe" të Iranit në negociatat për programin bërthamor duke kërkuar heqjen e menjëhershme të sanksioneve ekonomike nga OKB-ja dhe SHBA-ja në rast marrëveshjeje dhe duke përsëritur refuzimin e tij për çdo inspektim të qendrave ushtarake.
Kjo deklaratë e publikuar në faqen zyrtare të numrit një iranian u bë ndërkohë që maratona diplomatike para se të garantojë se Irani nuk do të pajiset me armë bërthamore ka hyrë në fazën e fundit, një javë nga data përfundimtare 30 qershor për arritjen e një marrëveshjeje për këtë çështje me fuqitë e mëdha të grupit 5+1 (SHBA, Francë, Britani e Madhe, Rusi, Kinë dhe Gjermani).
Ajatollahu Khamenei, i cili ka fjalën e fundit për çështjen bërthamore, e bëri këtë deklaratë para asamblesë së drejtuesve të vendit duke përfshirë këtu dhe presidentin, Hassan Rohani.
"Të gjitha sanksionet ekonomike, financiare dhe bankare, të kujdo qofshin ato të Këshillit të Sigurimit apo Kongresit dhe qeverisë amerikane duhet të anulohen menjëherë në momentin e nënshkrimit të marrëveshjes dhe sanksionet e tjera duhet të hiqen brenda një fati që caktuar kohor", theksoi ai.
Ai shprehu gjithashtu mosbesim ndaj Agjencisë Ndërkombëtare të Energjisë Atomike (AIEA).
"Anulimi i sanksioneve nuk duhet të lidhet me aplikimin nga Irani të angazhimeve të tij. Mos thoni: aplikoni angazhimet tuaja më pas prisni që AIEA t'i çertifikojë që sanksionet të hiqen. Ne nuk e pranojmë në asnjë mënyrë një gjë të tillë", deklaroi Khamenei.
Marrëveshja kornizë e arritur në muajin prill mes Iranit dhe fuqive të mëdha të grupit 5+1 parashikon një limitim të programit të pasurimit të uraniaumit nga Irani për një periudhë 10-vjeçare.

TAG:
• OSBE